Astanada taǵy 12 oqý orny salynady
ASTANA. KAZINFORM — Astana qalasynyń ákimi Jeńis Qasymbek Instagram paraqshasynda bıyl 12 oqý orny salynatyny týraly jazdy.
— Mektep salý jáne balalarymyz úshin jaıly bilim berý ortasyn qalyptastyrý boıynsha júıeli jumys júrip jatyr. Birqatar mektep pen oqýshylar saraıynyń qurylys barysymen tanystym.
Jańa oqý jyly ishinde taǵy 12 oqý ornyn ashamyz. Máselen, sońǵy jyldary 44 mektep saldyq. Osy sharalar qoldanystaǵy mektepterge túsetin salmaqty edáýir azaıtyp, qosymsha oqýshy oryndaryn ashýǵa múmkindik berdi. Áleýmettik ınfraqurylymǵa qajettilik joǵary aýdandarǵa aıryqsha nazar aýdaryp otyrmyz, — dep jazdy qala basshysy.
Sol sııaqty 2027 jylǵa arnalǵan daıyndyq jumysy júrip jatyr: jobalyq jáne qala qurylysyna qatysty qujattamalar ázirleý isi qolǵa alynǵan. Bas josparǵa sáıkes, 2035 jylǵa deıin qalada 140-qa jýyq jańa mektep salý kózdelip otyr.
— Sondaı-aq bıyl taǵy eki Oqýshylar saraıy men alty balabaqsha ashý josparlanyp otyr. Oqý jáne bilim berý ortalyqtarynyń qurylysyna jeke ınvestıtsııalar da jumyldyryp otyr, — dep jazdy Jeńis Qasymbek.
Aıta ketelik Astanada kishi Taldykóldegi ekoparkti abattandyrý jumysy bastalǵan edi.
