Astanada sýretshi R.Gýmanıýktiń jeke kórmesi ashyldy
Kórmede 2007 jáne 2012 jyldar aralyǵynda salynǵan 28 týyndy usynylǵan. "Zaporojdyqtardyń shabýyly", "Bogdan Hmelnıtskıı", "Ivan Mazepa", "Kobzar", "Karpatta", "Kazak" natıýrmorty, "Shaldar", "Gýtsýl qyz", "Shyǵaryp salý" syndy sýretter Ýkraına tarıhyna jáne qazirgi zaman kelbetine arnalǵan. Shyǵys jáne Qyrǵyzstan taqyryby "Qomyz ustaǵan qyz", "Hannyń qyzy", "Portret", "Buharlyq natıýrmort", "Kózeshi" jáne taǵy basqa týyndylarda kórinis tapqan.
Gýmanıýk Roman 1985 jyly Bishkekte dúnıege kelgen. Beıneleý óneri stýdııasynyń túlegi. Onyń eń alǵashqy kórmesi Qyrǵyz-Reseı slavıan ýnıversıtetinde avtorǵa nebári 7 jasta bolǵanda ótken.
"Jastaıynan ol Bishkekte bulttarmen talasqan qyrǵyz taýlaryn, olardyń ushar basyndaǵy muzdaqtardy kórip ósti. Onyń qylqalamynan shyqqan alǵashqy týyndylar taýmen baılanysty bolǵany da zańdylyq edi. Kánigi sýretshi retinde qalyptasqanymen, ol osy ýaqytqa deıin asqaraly taýlardy salýdan aınymaı keledi. Ýkraındyq taqyryp pen qyrǵyz taýlary - Roman shyǵarmashylyǵynyń basty baǵyttary", - deıdi murajaı dırektory Nellı Shıvrına.
Romannyń eń alǵashqy iri jeke kórmesi osydan 12 jyl buryn G. Áıtıev atyndaǵy ulttyq beıneleý óneri murajaıynda ótti jáne Chernobyl zulmatyna arnaldy. Onyń jasy sol kezde nebári 15-te bolatyn. Sodan beri qylqalam sheberiniń 7 kólemdi kórmeleri ótkizildi. Sýretshi túrli tehnıkalarda, túrli janrlarda jumys jasaıdy. Sońǵy on jylda Roman Vashıngtonda (AQSh), Avınonda (Frantsııa), Florentsııanyń halyqaralyq qazirgi zaman bıennalesinde kórkemsýret kórmelerin ótkizgen.
