Astanada sot oryndaýshylary 26 mln teńgeni jymqyrǵan

ASTANA. KAZINFORM – Qala prokýratýrasy eki jeke sot oryndaýshysynyń ákimshilik aıyppuldy óteýge arnalǵan qarajatty jymqyrý faktilerin anyqtady.

Tekserý nátıjesinde olardyń eki jyl boıy sot aktilerin oryndap, memleket qazynasyna aýdarylýy tıis qarajatty jeke maqsattaryna, sonyń ishinde qumar oıyndarǵa paıdalanǵany belgili boldy.

Sondaı-aq jeke jáne zańdy tulǵalardyń qarajaty da jymqyrylǵan.

- Jalpy shyǵyn kólemi 26 mln teńgeden asty. Sot oryndaýshylaryna qatysty sotqa deıingi tergeý amaldary bastalyp, keıin olar keltirilgen shyǵyndy tolyq ótedi, - dep jazdy baqylaýshy organnan.

Prokýratýranyń habarlaýynsha, tergeý nátıjesinde ýákiletti organ atalǵan sot oryndaýshylaryn lıtsenzııalarynan aıyrý jóninde shara qabyldaıdy.

Sonymen birge, osyndaı quqyq buzýshylyqtardyń aldyn alý maqsatynda qaryz somasyn tikeleı óndirip alýshylarǵa aýdarý jáne atqarýshylyq sanktsııany esepteý úshin jasandy ıntellektti paıdalaný usynyldy.

Aıta keteıik, buǵan deıin Abaı oblysynda jeke sot oryndaýshylar 20 mln teńgeniń salyǵyn tólemegen bolatyn.