Astanada soǵys jyldary mańyzdy ról atqarǵan retro-avtokólikter kórmege qoıyldy
ASTANA. KAZINFORM – Jeńistiń 80 jyldyǵy qarsańynda QR Prezıdenti Іs basqarmasynyń Avtosharýashylyǵy retro-avtokólikter men soǵys buıymdarynyń kórmesin ótkizdi.
Kórmege «Memorıalnaıa zona» izdestirý jasaǵy tapqan qundy tarıhı jádigerleri jáne fotokórmesi qoıyldy.
− «Memorıalnaıa zona» izdestirý jasaǵy 1978 jyly qurylǵan jáne Keńes Odaǵynda naqty tirkelgen alǵashqy uıym boldy. Bizden keıin odaqtyń basqa da respýblıkalary habarsyz ketken sarbazdardy izdeı bastady. Bizdiń jasaq 47 jylda 3 224 maıdangerdiń taǵdyryn anyqtady. ıAǵnı, keıbiriniń súıekteri týystaryna qaıtaryldy, keıbiriniń aty-jóni anyqtalyp, baýyrlastar zıratynda jatqan orny belgili boldy. Ol zırtqa Qazaqstannan kelgen týystar týǵan jerinen bir ýys topyraq ákelip salady. Osyndaı sátter júrekti eljiretedi. Ótkenin umytqan adamnyń bolashaǵy joq. Biz osyny urpaǵymyzǵa amanat etemiz. Bireýdiń atasy, bireýdiń arǵy atasy soǵysqa attanǵan. Búgingi sharanyń da maqsaty — óz ómirin qıyp, bizge beıbit aspan syılaǵan er babalarymyzdyń rýhyna taǵzym etý, - dedi «Memorıalnaıa zona» izdestirý jasaǵynyń ardageri ıÝrıı Gorban.
Kórmege qoıylǵan retro-kólikter «Avto-Moto-Tselına» qoǵamdyq birlestigindegi áýesqoı kollektsıonerlerdiń qorynan alynǵan. Ásirese, BMW R35 mototsıkli, M-72 mototsıkli, Rover mototsıkli, GAZ-67 sekildi soǵys jyldary mańyzdy ról atqarǵan kólikter kelýshiler nazaryna usynyldy.
− Mysaly myna qara tústi Opel Kadett K38 1938 jyly shyǵarylǵan. Bul nemis kóligi, keıin onyń konstrýktsııasy keńestik «Moskvıchti» jasaýǵa negiz boldy. Jıyrma jyl buryn Óskemenge saparymda osy kólikti kórip, áıelime asúı jıhazyn áperem degen aqshaǵa osy mashınany satyp alǵan edim. Astanaǵa deıin ózim aıdap keldim. Bul iske jan-tánimen berilgender kóp. Osylaısha, retro-kólikti satyp alamyz, jóndeýden ótkizemiz. Bul kólikter garajda tura bermeýi kerek, halyqqa qýanysh syılaýy kerek, búgin jas baladan qarttarǵa deıin asqan qyzyǵýshylyqpen tamashalady, sýretke tústi, - dedi ıÝ. Gorban.
Sonymen birge, Ekinshi dúnıejúzilik soǵys jyldary ańyzǵa aınalǵan «Polýtorka» − GAZ-AA júk kóligi de bar. Bul ataýdy halyq 1,5 tonna júk kótergeni úshin qoıǵan. Bul kólik maıdan men tyldyń naǵyz sımvolyna aınaldy. Qorshaýda qalǵan Lenıngradty qamtamasyz etýde sheshýshi ról atqardy, qys mezgilinde muz bop qatqan Ladoga kólimen azyq-túlik, oq-dári tasyp, adamdardy evakýatsııalady. Qatty aıazda da, únemi atqylaý men bombalaý jaǵdaıynda bul kólikter myńdaǵan adamnyń ómirin saqtap qaldy. Soǵys jyldary 150 myńnan astam osyndaı júk kóligi shyǵarylǵan.
Aıta keteıik, Astanada Jeńistiń 80 jyldyǵy men Otan qorǵaýshy kúnine arnalǵan áskerı paradqa qyzý daıyndyq júrip jatyr. Bul shara 2025 jyldyń basty oqıǵalarynyń biri bolmaq. Merekelik sherý 7 mamyrda Astanadaǵy Táýelsizdik alańynda ótedi. Saltanatty is-sharaǵa 4 000-nan astam áskerı qyzmetshi, 200-den astam áskerı tehnıka, sondaı-aq maıdandyq, armııalyq jáne áskerı-kóliktik avıatsııanyń 66 ushaǵy men tikushaǵy qatysady.
Sondaı-aq Kazinform agenttigi Ekinshi dúnıejúzilik soǵys jyldaryndaǵy arhıv sýretteri men olardyń «jandanǵan» nusqalaryn usynady.