Astanada «Soǵym-FEST» et jármeńkesi ótedi

ASTANA. KAZINFORM - Astanada 22-23 qarashada «Soǵym-FEST» et jármeńkesi ótedi. Jármeńkege Aqmola, Abaı, Qaraǵandy, Túrkistan jáne Pavlodar oblystarynyń fermerleri qatysady, dep jazdy elorda ákimdiginiń resmı saıty.

Іs-shara «Keryen Joly» saýda ortalyǵynyń avtoturaǵynda (Alash tasjoly, 35B) uıymdastyrylady. Sondaı-aq, sol kúnderi saýda ortalyǵynyń aýmaǵynda qala turǵyndary arasynda tanymal aýyl sharýashylyǵy jármeńkesi ótedi.

Onda Qazaqstannyń ártúrli óńirlerinen kelgen fermerler men óndirýshilerdiń ónimderi usynylady. Qala turǵyndary men qonaqtary mynadaı taýarlar satyp ala alady: kókónister men jemister, et ónimderi, un ónimderi men sút ónimderi, pisirilgen taǵamdar men táttiler, tabıǵı shyryndar, djemder jáne taǵy basqa.

Іs-shara ár demalys kúnderi saǵat 10:00-den 19:00-ge deıin ótedi.

Qala turǵyndary men qonaqtarynyń yńǵaılylyǵy úshin jármeńke aýmaǵyna jaqyn jerden №7, 11, 39, 41, 45, 53, 59, 81, 307, 317 avtobýstar ótedi, bul kelýshilerge yńǵaıly qatynaýdy qamtamasyz etedi.

Eske salsaq, Aýyl sharýashylyǵy mınıstri Aıdarbek Saparov Úkimet otyrysynan keıin ótken baspasóz máslıhatynda Astanada et baǵasy qansha ekenin aıtty.

Saýda jáne ıntegratsııa mınıstri Arman Shaqqalıev elimizde et baǵasyna qatysty túsinik berdi.