Astanada ShYU Jastar forýmy ótip jatyr
Bıylǵy forým Qazaqstannyń Shanhaı yntymaqtastyq uıymyna tóraǵalyǵy aıasynda ótedi. Oǵan Reseı, QHR, Qyrǵyzstan, Tájikstan, Belarýs jáne Pákistan men Úndistannan kelgen jastar uıymynyń kóshbasshylary arnaıy keldi.
Forým aıasynda ótip jatqan ShYU Jastar keńesiniń H otyrysyna QR Din isteri jáne azamattyq qoǵam mınıstri Nurlan Ermekbaev qatysty. Ol ShYU Jastar forýmynyń jastarǵa túrli salalarda yntymaqtastyq ornatý men tájirıbe almasýǵa úlken múmkindik beretinin erekshe atap ótti.
«Qazaqstan Respýblıkasy ShYU aıasyndaǵy yntymaqtastyqqa erekshe mán beredi. Memleket basshysy Nursultan Nazarbaev 2016 jyly ShYU-ǵa múshe memleket basshylary keńesiniń otyrysynda HHІ ǵasyrdyń jahandyq trendi jasyl ekonomıka bolatynyn atap ótken edi. Bul qurylymdyq órkenıetter dıalogy ǵana emes, tıimdi ekonomıkalyq jáne tehnologııalyq yntymaqtastyq. Ásirese, onda jastar negizgi adamı kapıtal retinde erekshe mańyzǵa ıe. Al ShYU Jastar keńesi - alýan túrli salalarda yntymaqtastyq ornatýǵa, tájirıbe almasýǵa tamasha múmkindik bolyp tabylady. Sizderdiń forým aıasynda usynylatyn bastamalaryńyz aradaǵy ózara árekettestikti arttyryp, ShYU memleketterindegi jastar saıasatynda jańa mehanızmderdiń jasalýyna múmkindik beredi», - dedi mınıstr Nurlan Ermekbaev ShYU Jastar keńesiniń H otyrysynda.
Sonymen birge, mınıstr ótken jyly qurylǵan QR Din isteri jáne azamattyq qoǵam mınıstrliginiń qyzmeti týraly, jastar arasyndaǵy radıkalızmniń aldyn alý qajettigi týraly basa aıtty.
«Dinı fanattar men ekstremıstik uıym ókilderi úshin jastar eń qorǵansyz top bolyp sanalady. Sebebi, jastardyń basym bóligi qıyndyqqa boı berip, qaýipti toptarǵa qosylyp ketedi. Sondyqtan, kásipkerlerdi, sportshylardy, jastar arasyndaǵy kóshbasshylardy aýqymdy jumystar júrgizýge, jumyssyz júrgen problemaly jastardy qyzyqty sharalarǵa, jobalarǵa, sportqa tartýǵa shaqyramyn. Bul bizdiń bolashaǵymyz úshin qajet», - dedi mınıstr.
Shanhaı yntymaqtastyq uıymyna múshe memleketterdiń jastary arasynda jan-jaqty yntymaqtastyqty keńeıtýge baǵyttalǵan Jastar forýmy eki kúnge sozylady. Onda 2016 jyly atqarylǵan jumystar qorytyndylanyp, 2017-2018 jyldarǵa arnalǵan jumys jospary boıynsha tematıkalyq sektsııalar, semınar-trenıgter, pikirsaıystar, kezdesýler men mádenı sharalar ótedi.