Astanada short-trekten Qazaqstan qysqy spartakıadasynyń jeńimpazdary anyqtaldy

ASTANA. KAZINFORM — Astana qalasyndaǵy «Alaý» muz saraıynda short-trekten Qazaqstan VI qysqy spartakıadasy máresine jetti. 

Tórt jylda bir ret ótetin aıtýly dodada 500 metr qashyqtyqta áıelder arasynda shyǵysqazaqstandyq Zeınep Qumarqan chempıon atansa, aqmolalyq ıAna Han máre syzyǵyn ekinshi, qostanaılyq Polına Omelchýk úshinshi bolyp qıdy.

Erler arasynda qostanaılyq Gleb Ivchenko aldyna jan salmasa, osy qashyqtyqta eki márte álem chempıonatynyń kúmis júldesin ıelengen aqmolalyq Denıs Nıkısha ekinshi, almatylyq Valerıı Klımenko úshinshi orynǵa qol jetkizdi. 

Bir myń metrden áıelderden aqmolalyq Olga Tıhonova, astanalyq Málıka Ermek jáne qostanaılyq Anastasııa Galechına úzdik úshtikke ilikse, erlerden astanalyqtar Ádil Ǵalıahmetov, Bogdan Vehov, Abzal Ájiǵalıev basqalarǵa júlde ustatqan joq. 

Áıelder arasynda 3 myń metrlik estafetada astanalyqtar márege birinshi, batysqazaqstandyqtar ekinshi, qostanaılyq qyzdar úshinshi bolyp jetti. 

Erler arasynda 5 myń metrlik estafetada taǵy da Astana men BQO shorttrekshileri aldyńǵy eki oryndy ıemdense, almatylyqtar qola júldege qol sozdy. 

Aralas estafetada (2 myń metr) aqmolalyqtar qarsylas shaq keltirmese, astanalyqtar kúmis, Qostanaı oblysynyń ókilderi qola medaldy qanaǵat tutty. 

Eske sala keteıik, budan buryn shorttrekshi Denıs Nıkıshanyń álem chempıonatynyń eki márte kúmis júldegeri atanǵanyn jazǵan bolatynbyz. 

Sondaı-aq short-trekshi Gleb Ivchenkoǵa páter kilti tabystaldy.