Astanada shomylýǵa ruqsat etilgen 4 oryn belgilendi
«Astana qalasy ákimdiginiń qaýlysy boıynsha, bıyl qala aýmaǵyndaǵy tórt orynda sýǵa shomylýǵa resmı ruqsat berilip otyr. Olar: ortalyq jaǵajaı, «Trı peskarıa», «Stolıchnyı dvor» demalys aımaqtary men Shabal Beısekova kópiriniń aýdanyndaǵy kommýnaldyq jaǵajaı.
Sýǵa shomylýǵa ruqsat etilgen jáne tyıym salynǵan ýchaskelerdiń tizimin 2GIS kartografııalyq platformasynan kórýge bolady. Qaýipsizdik maqsatymen shomylýǵa tyıym salynǵan 21 ýchaskede baqylaý kamerasy ornatyldy», - dedi ol ákimdik brıfıngisinde.
Mamannyń aıtýynsha, sýdaǵy ólim jaǵdaılarynyń shamamen 80 paıyzy azamattardyń mas kúıinde jáne jabdyqtalmaǵan, tyıym salynǵan jerlerde shomylýynan bolady.
«Jaǵajaıǵa barǵanda qaýipsiz júris-turys erejelerin umytpaǵan jón. Jazdyń ystyq kúnderinde jaǵajaıda demalýshylardyń sany 1 myńǵa deıin jetedi. Sondyqtan da sýda qaýipsiz demalý óziniń tártibine jáne azamattardyń sýdaǵy júris-turys erejelerin oryndaýyna baılanysty. Búgingi tańda Astana qalasynyń Tótenshe jaǵdaılar departamenti shomylý maýsymynyń ashylýyna daıyndyqty belsendi júrgizýde.
Qalanyń aýdandyq ákimdikterimen birlesip, sý aıdyndarynda shomylýǵa tyıym salynǵan jerlerde aqparattyq stendter men 100-den astam tyıym salatyn qaýipsizdik belgilerin ornatty.
Departament qyzmetkerleri mektepterde, balalar mekemelerinde sýdaǵy qaýipsizdikti saqtaý týraly aktsııalar, túrlý konkýrstar, ınteraktıvti sabaqtar ótkizdi. Kún saıyn reıdtik sharalarǵa qutqarýshylar, polıtseıler, jumyspen qamtý ortalyǵynan qoǵamdyq qyzmetkerler jumyldyrylady. Olar azamattardy shomylýǵa ruqsat etilgen oryndarda jáne sýdaǵy qaýipsizdik erejelerin saqtaý týraly habardar etý arqyly shomylý maýsymyn qaýipsiz etýge daıyndyq júrgizedi», - dedi Azamat Qusaıynov.
