Astanada Shyǵys jáne Soltústik Qazaqstan oblystarynyń jármeńkesi ótedi

Astanada aldaǵy demalys kúnderi kezekti aýylsharýashylyq jármeńkesi ótedi. Oǵan Shyǵys Qazaqstan jáne Soltústik Qazaqstan oblystarynyń sharýalary qatysady, dep habarlaıdy Kazinform.

Elorda ákimdiginiń málimetine sáıkes, jármeńke 14 jáne 15 qazanda saǵat 9:00-18:00 aralyǵynda Táýelsizdik dańǵyly, 50 mekenjaıynda ornalasqan Óner ýnıversıteti ǵımaratynyń ótedi.

Shyǵys Qazaqstan oblysynan 9 aýdannyń, Soltústik Qazaqstan oblysynan 13 aýdan men Petropavl qalasynyń agrotaýar óndirýshileri qatysady.

ShQO-dan 40-tan astam ónim túri jetkiziledi. Onyń ishinde: 49,2 tonna bal, 2 tonna shujyq ónimderi, 8 tonna sút ónimderi, 16 tonna ósimdik maıy, 3 tonna un men jarma, 9 tonna balyq, 29,8 tonna aýyl sharýashylyǵy janýarlary men qustarynyń eti, 4 tonna qymyz jáne ulttyq buıymdar, 700 lıtr alkogolsiz sýsyndar jáne basqalar. Jalpy 244,5 mln teńge somasyna 123,2 tonna ónim usynylady.

Al SQO agrarshylary elorda qonaqtary men turǵyndaryna mynadaı ónimder usynady: 100 tonna et, 495 tonna kartop pen kókónis, 33 tonna sút ónimderi, 120 myń dana jumyrtqa, 5 tonna balyq, 10,5 tonna bal, 7 tonna shujyq ónimderi, 75 tonna un men makaron ónimderi, 12 tonna basqa da ónimder. Taýarlardyń jalpy kólemi 733 tonnadan asady.

Jármeńkedegi baǵalar ádettegideı arzan bolatyny málim etildi.