Astanada shaıbaly hokkeıden QR Prezıdenti kýbogy týrnıri ótedi

ASTANA. KAZINFORM - Astana qalasynda 14-18 tamyz aralyǵynda shaıbaly hokkeıden Qazaqstan Respýblıkasy Prezıdenti kýbogy týrnıri ótedi. Oǵan elordalyq «Barys» komandasy qatysady.

Bıyl on úshinshi márte jalaýyn kóteretin týrnırge elordalyq komandadan ózge Reseıdiń «Lada» (Tolıattı), «Amýr», (Habarovsk) klýbtary qatysady.

Sondaı-aq onda olımpıadalyq irikteýdiń fınaldyq kezeńine qatysý úshin elimizdiń ulttyq quramasy baq synaıdy.

Aıta ketsek, «Barystyń» oqý-jattyǵý jıynynyń basym bóligi Astanada ótedi. 15 shildede ekijaqty kelisimsharty bar hokkeıshiler medıtsınalyq tekseristen ótedi. Al 1 tamyzda olardyń qataryna birjaqty kelisimshartqa qol qoıǵan oıynshylar qosylady.

Elordalyq klýb 20-25 tamyz aralyǵynda Reseıdiń Omby qalasynda ótetin «Blınov Kýbogy» maýsymaldy týrnırinde baq synaıdy. Olar Reseıdiń «Lokomotıv» (ıAroslavl), «Sıbır» (Novosibir), «Traktor» (Chelıabi) jáne «Avangard» (Omby) ujymdaryna qarsy oınaıdy.

26 tamyz - 2 qyrkúıek aralyǵynda Astanada «Barystyń» Qurlyqtyq hokkeı lıgasy 2024/25 jyldar maýsymy aldyndaǵy daıyndyǵynyń qorytyndy kezeńi ótedi.