Astanada «Shattyq-2017» shyǵarmashylyq baıqaýy ótedi

ASTANA. QazAqparat - 2017 jylǵy 13 aqpanda Mahambet Ótemisuly atyndaǵy oqýshylar saraıynda balalar men jasóspirimder arasyndaǵy «Shattyq-2017» XI ashyq shyǵarmashylyq qalalyq baıqaýynyń ashylý saltanaty ótedi. Bıylǵy jyly baıqaý 13 - 16 aqpan aralyǵynda uıymdastyrylady, dep habarlaıdy qalalyq ákimdiktiń baspasóz qyzmeti.

Balalar men jasóspirimder arasyndaǵy qalalyq baıqaý memleketimizdiń bilim berý jáne mádenı áleýeti keń aǵartýshylyq kelesheginiń kómegimen jan-jaqty shyǵarmashylyq tulǵany qalyptastyrý jáne damytýǵa baǵyttalǵan.

Elordanyń daryndy jastary 2 jas ereksheligi: 10-15 jas jáne 16-20 jas aralyǵynda, sonymen qatar 8 janr boıynsha 15 nomınatsııa (jeke aspapta oryndaýshy/ an-sambldik aspapta oryndaý; klassıka, halyq aspaptary/ hor áni, estradalyq án, vokaldyq ansambl, halyq áni, halyq bıi, qazirgi zaman bıi, poezııa, teatr óneri, fotosýret, beıneleý óneri, erekshe janr jáne kıim úlgisi) boıynsha saıysqa túsetin bolady.

Bes kún boıy qalanyń ár túrli alańdarynda (M. Ótemisuly atyndaǵy oqýshylar saraıy, Astana q. ákimdiginiń oqýshylar saraıy, №1 óner mektebi, №2 óner mektebi, № 2 balalar mýzyka mektebi, №3 balalar mýzyka mektebi, balalar kórkem mektebi, №4MG, №7MG, №31MG, Polıtehnıkalyq kolledj) shyǵarmashylyq saıystar ótedi.

2017 jyldyń 1 naýryz kúni balalar men jasóspirimder arasyndaǵy «Shattyq-2017» HІ ashyq shyǵarmashylyq qalalyq baıqaýynyń Gala-kontserti jáne mereıtoıly altyn músinshelermen marapattaý rásimi Beıbitshilik jáne kelisim saraıynda ótedi.