Astanada semserlesýden «Myqtylar týrnıri» ótedi

ASTANA. KAZINFORM – 11 qazanda elordada semserlesýden «Myqtylar týrnıri» atty halyqaralyq jarys bastalady. 

Týrnır barysynda erler men áıelder arasynda júldeler sarapqa salynady. Oǵan Qazaqstan, Ózbekstan, Gonkong jáne Qyrǵyzstannyń úzdik semserlesýshileri qatysady. 

Sport básekesine elimizdiń ár óńirinen semserlesý sportynyń úzdik ókilderi, chempıondar men halyqaralyq týrnırlerdiń júldegerleri, sheteldik sportshylar da arnaıy shaqyrtý alǵan. 

12 qazanǵa deıin jalǵasatyn jarys Nazarbaev Ýnıversıtetiniń Atletıkalyq kesheninde ótedi. 

Buǵan deıin Qazaqstan semserlesýden kadetter arasynda ótken Azııa kýbogynda eki altyn medal jeńip alǵanyn habarlaǵanbyz.