Astanada respýblıkalyq Á. Marǵulan oqýlary ótedi

ASTANA. QazAqparat - Erteń Astanadaǵy Álkeı Marǵulan atyndaǵy № 40 orta mektepte Astana qalasynyń Bilim basqarmasy, «Astana daryny» óńirlik ǵylymı-praktıkalyq ortalyǵynyń uıymdastyrýymen fılolog, arheolog, shoqantanýshy, etnogrof, tarıhshy, akademık Álkeı Haqanuly Marǵulannyń muralaryn nasıhattaý maqsatynda «Álkeı Marǵulan murasy - ulttyń rýhanı baılyǵy» atty respýblıkalyq Marǵulan oqýlary ótedi. Bul týraly ákimdik habarlady.

Málimet boıynsha, konfrentsııa 4 baǵytta ótedi:

1. Ádebıettaný. «Álkeı Marǵulan jáne qazaq ádebıeti».

2. Arheologııa jáne tarıh. «Álkeı Marǵulan jáne Otan tarıhynyń zerttelýi».

3. «Shoqantanýdyń búgini men bolashaǵy».

4. Etnopedagogıka. «Álkeı Marǵulan taǵylymy - ulttyq tárbıe qaınar kózi».

Sharaǵa L. Gýmılev atyndaǵy EUÝ professory, f.ǵ.d. Myrzataı Joldasbekov, Astana qalasy Tilderdi damytý Basqarmasynyń basshysy f.ǵ.k. Erbol Tileshov, L. Gýmılev atyndaǵy EUÝ Arheologııa ınstıtýtynyń qyzmetkeri t.ǵ.k. Serǵazy Sákenov, Turan-Astana ýnıversıtetiniń pofessory, p.ǵ.k. Muhamedrahym Qursabaev syndy ǵalymdar qatysady. Sondaı-aq, respýblıkanyń basqa óńirlerinen oqýshylar men stýdentter, oqytýshylar, magıstranttar qatysady.

«Konferentsııanyń maqsaty - «Marǵulan oqýlaryn» ótkizý arqyly ǵalymnyń sońynda qalǵan mol murasyn nasıhattaý. Respýblıkanyń oqýshylary men ustazdary arasynda ulttyq qundylyqtar men el tarıhyn tereń meńgertý. Ulttyq mádenıet pen rýhanı bilim berýde ǵylymnyń san salasyn zerttep, jete meńgergen, parasatty, bilimdi, ǵulama, ǵalym ómiri men shyǵarmashylyǵy arqyly oqýshylarǵa rýhanı nár berý. Ǵylymǵa beıimi bar, daryndy oqýshylar men stýdentterdi anyqtap, ǵylymı jumystaryna baǵyt berip qoldaý kórsetý», - delingen habarlamada.