Elordada respýblıkalyq bıýdjet esebinen qosymsha 10 mektep salynady
2024 jyly respýblıkalyq bıýdjetten elordada 10 mektep salý úshin qarjy bólinedi. Bul týraly Oqý-aǵartý mınıstri Ǵanı Beısembaev Astana jurtshylyǵymen kezdesýinde aıtty, dep habarlaıdy Kazinform.
«Jalpy Oqý-aǵartý mınıstrliginiń basty mindetteriniń biri – qarjylaı qoldaý kórsetý. Salystyrar bolsaq, 2020 jyly respýblıkalyq bıýdjetten Astana qalasyna berilgen qarjy kólemi 20 mlrd teńgeniń aıasynda bolsa, 2023 jyly 80 mlrd teńgege artyp otyr. Bul – jaqsy jańalyq. Ekinshiden, jemqorlardan alynǵan qarjy jınaqtalatyn Infraqurylymdy qoldaý ortalyǵynan salynatyn «Jaıly mektepterden» bólek, bıyl Astana qalasyna 10 mektepke qarjy bóldik. Onyń jeteýi paıdalanýǵa berildi», - dedi vedomstvo basshysy.
Ǵanı Beısembaev Astana qalasyndaǵy úshaýysymdy, apatty mektepterdiń jaǵdaıyn túzeý úshin Oqý-aǵartý mınıstrligi, Úkimet tıisti qarajatty aıamaı bólip kele jatqanyn aıtty.
«Biz bul qoldaýdy ary qaraı da jalǵastyrýdy josparlap otyrmyz. Taǵy 10 mektep tizimin berýdi ákimmen kelistik. Kelesi jyly qosymsha taǵy 10 mektepke qarjy berýdi kózdep otyrmyz. Osyndaı qarjy bólinip, qoldaý kórsetilip otyrǵanda mektepterde oqýshylarymyzǵa jaıly orta qalyptasýy tıis. ıAǵnı, mektep basshylary, pedagogıkalyq ujym balalarymyzǵa jyly shyraı tanytyp, súıispenshilikpen qabyldap, bilikti de, bilimdi azamat bolyp shyǵýyna barlyq jaǵdaı jasaýy qajet», - dedi mınıstr.
