Astanada referendým ótetin kúni qoǵamdyq kólikte jol júrý tegin bolady

ASTANA. KAZINFORM – 6 qazanda Qazaqstanda AES salý máselesi boıynsha respýblıkalyq referendým ótedi. Bul kúni Astana avtobýstarynda jol júrý tegin bolady, dep jazdy elorda ákimdiginiń resmı saıty.

6 qazanda Respýblıkalyq referendým ótkiziletin kúni qalalyq jáne qala mańyndaǵy marshrýttarda jol júrý tegin bolady.

Avtobýstar tańǵy saǵat 6:00-den túngi 23:00-ge deıin júredi. 7 qazannan bastap qoǵamdyq kólik shtattyq rejımde jumys isteıtin bolady.

Aıta keteıik, Prezıdent respýblıkalyq referendým ótkizý týraly Jarlyqqa qol qoıdy.

QR Bas prokýrorynyń orynbasary Jandos Ómiralıevtiń «Prokýratýra týraly» Qazaqstan Respýblıkasy Konstıtýtsııalyq zańynyń 40-babyna sáıkes Qazaqstanda atom elektr stansasyn salý jónindegi referendýmǵa qatysty úndeý jarııalandy. 

AES referendýmy týraly Prezıdent Jarlyǵynyń jobasy Úkimet qaraýyna jiberildi.

10,3 myń daýys berý ýchaskesi qurylady.