Astanada QR-kod taqtalardy ne úshin ornatty

ASTANA. QazAqparat - Atalǵan bastama «Smart Astana» jobasy aıasynda iske qosylyp otyr, dep habarlaıdy QazAqparat.

Ázirshe, QR-kod taqtalar pılottyq úlgide ornatyldy. Ony uıaly telefonmen skanerleý arqyly avtobýstardyń onlaın kestesin kórýge bolady. Sóıtip naqty avtobýstyń keletin ýaqytyn bilýge múmkindik bar.

Jalpy, búginde «Astana Innovation» kompanııasy «Smart Astana» mobıldi qosymshasyn barynsha jetildirýdi kózdeıdi. Qazirgi kezde oǵan kommertsııalyq servıster de engizildi.

«Atalǵan qosymshada 60-tan astam servıs bar. Sonyń ishinde úıdi jınaý, santehnık, elektrık, bos jumys oryndary, tamaq jetkizý jáne taǵysyn taǵy», - dep jazdy «Astana Innovation» tóraǵasy Oljas Sartaev óziniń Facebook paraqshasynda.