Astanada 225 áıel prokýrorǵa mereke qurmetine shen berildi

ASTANA. KAZINFORM —  Búgin Bas prokýratýrada Halyqaralyq áıelder kúnine arnalǵan saltanatty shara ótti. Bul týraly Bas prokýratýranyń baspasóz qyzmeti málimdedi. 

Tańerteńnen bastap prokýratýranyń er qyzmetkerleri qadaǵalaý organynyń názik jandaryn quttyqtap, olardyń árqaısysyn ǵımaratqa kire beristen gúl shoqtarymen qarsy aldy. 

Sondaı-aq, olar úshin arnaıy uıymdastyrylǵan sharada Bas Prokýror Berik Asylov sóz sóılep, prokýratýranyń ómirindegi áıelderdiń erekshe rólin atap ótip, adal eńbegi men joǵary kásibıligi úshin alǵysyn bildirdi.

«Osy tamasha merekede analarymyzdy, áıelderimizdi, qyzdarymyzdy, apalarymyzdy qýantýǵa asyǵatynymyz. Olar ádemilik pen náziktilikti beıneleıdi. Ári er adamdardy jańa bıikterge jetýge shabyttandyrady», — dedi ol. 

B. Asylov prokýratýra qataryndaǵy áıelderge júktelgen mindetterdi jaýapkershilikpen oryndap, zańdylyqty nyǵaıtýǵa úlken úles qosyp jatqanyn basa aıtty.

Mereke qurmetine 225 áıel prokýrorlar vedomstvolyq nagradalarmen jáne synyptyq shendermen marapattaldy.