Astanada «prank» jasamaq bolǵan azamattardy polıtsııa ustap áketti

ASTANA. KAZINFORM – Astanada ázildemek bolǵan jastardy polıtsııa "qoǵamdyq tártipti buzdy" degen aıyppen qamaýǵa aldy, dep habarlaıdy Polisia.kz.

Saıtaǵy málimetterge qaraǵanda, bir top jas turǵyn úılerdiń lıftterinde janjal týyndatady, sol ýaqytta qarýǵa uqsas zatty kórsetken, osylaısha olar osy oqıǵaǵa kýá bolǵan azamattardy úreıin ushyrǵan.

Áleýmettik jelilerde taralǵan beınejazbalardyń birinde azamat G.A. men onyń tanysy janjaldasyp, arty tóbeleske qlasqan.

Ádeıi uıymdastyrylǵan kórinis barysynda G.A. tapanshaǵa uqsas zatty shyǵaryp, lıftte bolǵan adamdarǵa qaratyp, olarǵa shynaıy qaýip tóngendeı áser qaldyrǵan.

Mundaı áreketterdiń sońy kópshilik arasynda úreı týdyrý, adamdardyń densaýlyq jaǵdaıynyń qıyndaýy, kýágerler tarapynan agressıvti reaktsııa týdyrýy múmkin.

Atalǵan fakti boıynsha osy áreketti uıymdastyrýshy ustalyp, polıtsııaǵa jetkizildi.

Oǵan usaq buzaqylyq faktisi boıynsha ákimshilik is qozǵalyp, ýaqytsha ustaý ızolıatoryna qamaldy. Іs materıaldary sotqa joldandy.

- Astana qalasynyń Polıtsııa departamenti qoǵamdyq tártipti buzatyn osyndaı quqyqbuzýshylyqqa qaıshy áreketter qatań túrde toqtatylatynyn eskertedi. Azamattardy jaýapkershilikke, zań talaptaryn saqtaýǵa jáne kúdikti jaǵdaılar týraly 102 nómiri arqyly polıtsııaǵa der kezinde habarlaý kerektigin eskertemiz, - delingen saıttaǵy habarda.

Osyǵan deıin Astanada aýyr qylmys jasaǵan krımınalıtet ókilderi ustalǵany týraly jazdyq.