Astanada PR forým ótip jatyr

ASTANA. QazAqparat – Elordada memlekettik jáne korporatıvtik kommýnıkatsııany damytý máselesine arnalǵan kezekti forým ótip jatyr, dep habarlaıdy QazAqparat tilshisi.

«Búgin H Astana PR forýmy ótip jatyr. Ótken jyldary pandemııaǵa baılanysty onlaın uıymdastyryldy. Bıyl dástúrli formatta ótip jatyr. Búgin kúni boıy memlekettik organdar men korporatıvtik uıymdardyń qoǵammen baılanysy máselesi talqylanady. ıAǵnı memlekettik organdar men ulttyq kompanııalardyń baspasóz qyzmeti qalaı jumys istep jatyr, neni ózgertý kerek degen sekildi. Onyń ústine BAQ týraly zańǵa ózgerister men tolyqtyrýlar engizilgeli jatyr. Zańǵa nendeı ózgerister qajet, baspasóz qyzmeti, qoǵam jáne BAQ arasyndaǵy baılanysty qalaı jetildire túsý kerek degen máseleler ortaǵa salynbaq», - dedi Qazaqstan baspasóz klýbynyń tóraǵasy Ásel Qaraýylova.

Onyń aıtýynsha, qoǵam, baspasóz qyzmeti jáne BAQ arasynda ózara ashyq baılanys bolýy kerek.

«Forým qorytyndysy boıynsha kommýnıkatsııany damyta túsýge qatysty naqty usynystar ázirlenedi. Odan ári usynystar memlekettik organdar men korporatıvtik uıymdarǵa jiberiledi. Jasyratyny joq, bizde kommýnıkatsııa boıynsha metodıkalyq materıaldar az», - deıdi ol.

Sondaı-aq, Qazaqstan baspasóz klýbynyń basshysy memlekettik organdardyń baspasóz qyzmetiniń jumysyna toqtaldy.

«Árıne, barlyq mınıstrliktiń baspasóz qyzmeti birdeı emes. Qoǵam men BAQ-tyń saýalyna ashyq ári jyldam jaýap beretin baspasóz qyzmetteri bar. Kerisinshe baspasóz ókilderimen ashyq jumys isteýdi qajet etetin mınıstrlikter de bar», - dedi Á. Qaraýylova.

Uıymdastyrýshylardyń málimdeýinshe, forým sońynda memlekettik organdar arasyndaǵy úzdik baspasóz qyzmeti jáne jýrnalıster marapattalady.

Atalǵan sharaǵa memlekettik jáne korporatıvtik uıymdardyń ókilderi, BAQ jáne PR salasynyń mamandary, jýrnalıster qatysyp jatyr.