Astanada ótetin V Dúnıejúzilik kóshpendiler oıyndaryna Qyrǵyzstannan 268 sportshy qatysady

ASTANA. KAZINFORM- Qyrkúıek aıynda Astanada ótetin V Dúnıejúzilik kóshpendiler oıyndaryna Qyrǵyzstannan 268 sportshy qatysady.

Qyrǵyz Respýblıkasy Dene shynyqtyrý jáne sport departamenti dırektorynyń orynbasary Samat Toktonalıevtiń aıtýynsha, sporttyń 29 túrinen barlyq jarystarǵa 268 sportshy qatysady.

«Meniń oıymsha, Qyrǵyzstan barlyq sport túrinen medal alady», - dedi ol.

Qyrǵyzstan quramasy ulttyq kókbóri oıyndaryna qatysady.

Esterińizge sala keteıik, 8-14 qyrkúıek aralyǵynda Astanada ulttyq sport túrlerinen álemdik iri jarystar ótedi. Qazaqstan astanasy elimizdiń aımaqtarynan jáne álemnen 100 myńǵa jýyq týrıst qabyldaýǵa daıyndalyp jatyr.

Buǵan deıin V Dúnıejúzilik kóshpendiler oıyndarynda jalpy júlde qory 253 mıllıon teńgeni quraıtyny habarlanǵan bolatyn. Olar ár sport túri boıynsha jeke bolady. Jeńimpaz komandaǵa 10 mıllıon teńge, ekinshi orynǵa 6 mıllıon teńge, qola júldegerge 4 mıllıon teńge beriledi.

1 tamyzda Qyrǵyzstan Ulttyq banki «Dúnıejúzilik kóshpendiler oıyndary» serııasynyń «At Chabysh» jańa kúmis kollektsııalyq monetasyn aınalymǵa shyǵardy. 10 somdyq moneta Qazaqstandaǵy V Dúnıejúzilik kóshpendiler oıyndaryna arnalǵan.