Astanada otandyq ǵaryshty nasıhattaýǵa arnalǵan kórme ashyldy
Kórmege ǵarysh taqyrybyna arnalǵan erekshe jádigerler qoıylǵan. Atap aıtqanda, qazaqstandyq ǵaryshker, Halyq Qaharmany, QR Áskerı áýe kúshteriniń general-maıory Aıdyn Aıymbetovtiń «SOıÝZ» TMA-16M kemesinen jerge qonǵan parashıýtti ǵarysh kapsýlasy, ǵaryshkerdiń skafandry, KazEOSat-1 jáne KazEOSat-2 jerdi qashyqtyqtan baqylaý stýpnıkteriniń maketteri qoıylǵan.
Mundaǵy maqsat - Qazaqstannyń ǵaryshtyq qyzmet salasyn nasıhattaý men otandyq ǵarysh ónerkásibiniń jetistikterin kópshilikke tanystyrý arqyly halyqtyń zamanaýı ǵarysh tehnologııalaryna degen qyzyǵýshylyǵyn arttyrý.
«Osyndaǵy jumystardyń erekshe ekenine jáne qala turǵyndary men qonaqtarynyń qyzyǵa tamashalaıtyn kórmesine aınalatynyna senimdimin. Tek qoıylǵan jumystar ǵana emes, bizdiń ǵaryshkerlerimizdiń qatysýy da kórmeni mańyzyn arttyra túsetindigi aıqyn. Jáne de bul kórmege Astanadan bólek óńirlerden oqýshylar keldi. Bizdiń maqsat - jasóspirimderdiń ǵarysh salasyna qyzyǵýshylyǵyn oıatý», - dedi Astana qalasy ákiminiń orynbasary Ermek Amanshaev.
Sondaı-aq Ermek Amanshaev atalǵan kórmeni Mega Silk Way ortalyǵynda ótkizý, elorda ákimi Baqyt Sultanovtyń ıdeıasy ekenin aıta ketti.
Aıta ketken jón, otandyq ǵaryshkerler T.Áýbákirov, T.Musabaev, A.Aıymbetovterdiń ómiri men qyzmettik jolynan habardar etetin stend qoıylǵan.
«Kórme aldymen jas óskinder úshin uıymdastyryldy jáne sonysymen de mańyzdy. Óıtkeni, bala kúninde ushqysh bolýdy armandamaıtyn adam joq. Mine sondyqtan da osynda qoıylǵan ǵarysh zattary men sýretter arqyly tanysyp bilsin degen oımen jasalǵan dúnıe. Olar ǵaryshqa ushpasa da elimizdiń ǵarysh salasy men jetistikterin bilip ósse, ol qýantarlyq jaǵdaı», - dedi QR tuńǵysh ǵaryshkeri Toqtar Áýbákirov.
Kórme Astanadaǵy Mega Silk Way SOSO-da 1 qarashadan bastap 2019 jyldyń 31 naýryzyna deıin jumys isteıdi.
