Astanada orys tildi synyptar memlekettik tilge qalaı kóshiriledi

ASTANA. QazAqparat - Qazaq tili aldymen sabaqqa engiziledi. Sóıtip, tutas synypty memlekettik tilge kóshirý josparlanǵan, dep xabarlaıdy QazAqparat tilshisi.

Astana qalalyq bilim basqarmasynyń basshysy Ánýar Janǵozınniń aıtýynsha, bıyl ata-analardyń usynysymen "jańashyl synyptardy" ashý jobasy qolǵa alynady.

"Joba memlekettik tildi damytýǵa baǵyttalǵan. Negizgi ıdeıasy - orys tilinde bilim alatyn synyptardy kezeń-kezeńimen memlekettik tildegi synyptarǵa aınaldyrý. Іs júzinde birinshi synypqa keletin balalar bastapqyda sabaqta aqparattyń 70 protsentin orys tilinde, 30 protsentin qazaq tilinde oqıdy. Al besinshi synypqa barǵanda oqytý tili tolyǵymen memlekettik tilge kóshiriletin bolady. Jańa oqý jylynda osyndaı synyptardy 60-shy mektep-lıtseıi negizinde ashpaqpyz. Sonymen qatar, dál sondaı ádis qyzdarǵa arnalǵan bilim-ınnovatsııa lıtseıinde bıyl ashylatyn besinshi synyptarǵa da engiziletin bolady", - dedi Á.Janǵozın búgingi Tamyz konferentsııasynda.

Aıta keteıik, búgingi jıynda qala ákimi qansha muǵalimge páter beriletinin aıtty. 

Búginde respýblıka boıynsha bir mektepke shamamen 800-1500 oqýshy keledi. Al elordada atalǵan kórsetkish 1500-ge jetip otyr. Aldaǵy bes jylda Astanaǵa taǵy 120 myńnan astam oqýshy keledi degen boljam bar. "2011 jyly elorda mektepterinde 75 myń oqýshy oqysa, byltyr atalǵan kórsetkish 140 myńǵa jetti. Bıyl 155 myń oqýshy bolady dep otyrmyz. Osyǵan baılanysty aldaǵy bes jylda memlekettik bıýdjettiń esebinen 24 mektep salynady", - deıdi Á.Isekeshev.  

Saltanatty shara barysynda mektep muǵalimderine páter kiltteri tabystaldy.