Astanada órtke oranǵan júk kóliginen bir adamnyń denesi tabyldy

ASTANA. KAZINFORM – Elordada órtengen júk kóliginiń ishinen bir er adamnyń denesi tabyldy. Bul týraly Kazinform agenttigi qalalyq Densaýlyq saqtaý basqarmasyna silteme jasap habarlaıdy. 

– 103 nómirine jol-kólik oqıǵasyna qatysty shaqyrtý kelip tústi. Oqıǵa ornyna shuǵyl jedel járdem brıgadasy jetti. Olar júk kóliginiń birinen er adamnyń denesin tapty. Kúıiktiń qattylyǵynan onyń ultyn jáne jasyn anyqtaý múmkin bolmady. Brıgada er adamnyń qaza bolǵanyn habarlady, - delingen basqarma joldaǵan habarlamada. 

Áleýmettik jelilerde eki júk kóliginiń órtenip jatqan vıdeolary tarap jatyr. Kadrdan qoıý tútin býdaqtap, tehnıkalardyń qyzyl jalynǵa oranǵanyn anyq baıqaýǵa bolady.

Aıta keteıik, buǵan deıin Astanadaǵy Pýshkın kóshesiniń boıyndaǵy óndiristik aýmaqta eki júk kóligi soqtyǵysyp, artynsha kólikter órtke oranǵanyn habarlaǵan edik.