16:21, 22 Maýsym 2024 | GMT +6
Elordada órtengen úıden 8 adam kóshirilip, arnaıy shtab quryldy
ASTANA. KAZINFORM — Astanada kópqabatty úıdegi órt áli sóndirilip jatyr.
Naqtylanǵan málimet boıynsha ǵımarattyń syrtqy qaptamasyn jalyn sharpyǵan.
Oqıǵa ornynda órt sóndirýshiler úshinshi rang boıynsha jumys istep jatyr.
Bul jumysqa 16 tehnıka men 72 adam jumyldyryldy.
«Ákimshilik ǵımarat bolǵanymen, ishinara turǵyn úı sanalady. Oqıǵa ornynda shtab quryldy. Evakýatsııa júrip jatyr» dedi TJM baspasóz qyzmetinen.
Tótenshe jaǵdaılar mınıstrliginiń qutqarýshylary 8 adamdy qaýipsiz jerge shyǵardy, onyń ishinde bir bala bar.
Zardap shekkender týraly málimet joq.
Eske sala keteıik, Astanada kópqabatty úıdiń 26-qabatynan órt shyqqan edi.
