Astanada ólim-jitim 30 paıyzǵa jýyq tómendedi

ASTANA. QazAqparat - Bul týraly Astana qalasynyń qoǵamdyq densaýlyq saqtaý basqaramasynyń basshysy Tımýr Muratov Almaty oblysynda Densaýlyq saqtaý mınıstri Ajar Ǵınııattyń qatysýymen ótken jnalysta baıandady, dep habarlaıly QazAqparat elorda ákimdiginiń resmı saıtyna silteme jasap.

Ár memlekettiń aldynda turǵan basty mindetterdiń biri – turǵyndar úshin kórsetiletin densaýlyq saqtaý qyzmetterin jaqsartýǵa umtylý.

Prezıdentimiz Qasym-Jomart Toqaev atap ótkendeı, «ult saýlyǵy jaqsy bolsa ǵana qoǵam ornyqty damıdy».

Elordalyq qoǵamdyq densaýlyq saqtaý basqarmasynyń ótken jyldardaǵy jetistikteri jaıly basqarma basshysy Tımýr Muratov aıtyp berdi.

«2021 jyly qala turǵyndarynyń ómir súrý jasy 72,87 jasty qurady, 2019 jyl bul san 76,75 jas bolǵan edi. Buǵan qaramastan áli de respýblıkalyq deńgeıden asyp, elimizdegi joǵary kórsetkishterdiń biri bolyp qala beredi. 2022 jyl qorytyndysy boıynsha jalpy ólim-jitim kórsetkishi 29,7%-ǵa tómendedi», - dedi ol.

Memleket basshysy ár Joldaýynda aıtyp, naqty tapsyrmalar bergen bolatyn.

Basqarma basshysy ákimdik tarapynan sapaly jáne qoljetimdi medıtsınamen qamtý úshin barlyq jaǵdaı jasalyp jatqanyn atap ótti.

Onyń aıtýynsha, elordanyń densaýlyq saqtaý salasyna qazir úlken júk túsip tur. Sebebi qala turǵyndary jyl saıyn ortasha eseppen 40-50 myń adamǵa kóbeıýde.

Ótken jyly Astanada júktemeniń basym bolǵanyna qaramastan, ana óliminiń ındıkatory 12%-ge deıin, týberkýlezden bolatyn ólim-jitim 19%-ǵa, al qan aınalymy júıesi aýrýlarynan bolatyn ólim-jitim 33,5%-ǵa tómendedi.

Bul – aqhalatty abzal jandardyń jemisti jumysynyń kórsetkishi.

Sondaı-aq, basqarma basshysy jańa pılottyq jobaǵa toqtaldy.

Qabyldaý bólimsheleri jumysynyń artýyna baılanysty medıtsınalyq uıymdardyń jumysyn ońtaılandyrý, statsıonarlardyń qabyldaý bólimshelerine kelip túsken ótinishter sanyn azaıtý maqsatynda 2023 jylǵy 10 qańtardan bastap elordada MSAK uıymdarynda jedel járdem bólimsheleriniń jumysyn uıymdastyrýdyń pılottyq jobasy uıymdastyryldy.

Jobaǵa alǵashynda №4, №5 jáne №10 qalalyq úsh emhana qatysqan edi. Atalmysh emhanalarda tirkelgen halyqtyń jalpy sany 220 myńnan asady.

«Sońǵy jyldary MSAK uıymdarynda antıkoagýlıanttyq terapııa jáne sozylmaly júrek jetkiliksizdigi boıynsha aranıy kabınetter ashyldy, aýrýlardy basqarý baǵdarlamalaryn qamtý boıynsha jumystar jalǵasýda. Onkologııalyq qyzmet boıynsha ahýaldyq ortalyqtardyń jumysy jolǵa qoıyldy, aı saıyn kórsetkishterge baqylaý júrgiziledi. Sondaı-aq skrınıngtik zertteýler kólemi artty», - dep atap ótti Tımýr Muratov.