Astanada Naýryz meıramyn ótkizýdiń túıitkilderine arnalǵan ǵylymı konferentsııa ótti

ASTANA. QazAqparat - 29  naýryz kúni Astanadaǵy QR Ulttyq mýzeıinde «Ulystyń Uly kúni - áz Naýryz» atty respýblıkalyq ǵylymı konferentsııa ótti, dep habarlady QazAqparatqa murajaıdyń baspasóz qyzmetinen.

Konferentsııaǵa memleket jáne qoǵam qaıratkerleri, tarıhshylar, mádenıettanýshylar, ǵalymdar, joǵary oqý oryndarynyń ustazdary men stýdentter qatysty. Olar Naýryz meıramyn ótkizýdiń maǵynalyq, mazmundyq jaǵyn kemeldendirý turǵysynda  oı-pikirlerin ortaǵa saldy.

Sharada sóz alǵan mádenıettanýshy ǵalym Serik Erǵalı: «Naýryz merekesine memlekettik statýs bergenimizge biraz ýaqyt boldy. Biraq, Naýryz meıramynyń bir bóligi bolyp tabylatyn «Amal» merekesi elimizdiń batysy - Mańǵystaýda ǵana toılanyp, qaýyshý meıramyn elimiz endi-endi qabyldap kele jatqany, Naýryz merekesine degen halyqtyń kóp qyzyǵýshylyq bildirmeýi - merekeniń áli de memlekettik deńgeıge kóterilmegenin bildiredi. Sovettik kezde januıalyq deńgeıde bolsa, qazir óńirlik deńgeıde. Endigi maqsat - bul merekeni, shyn máninde, jalpyulttyq, jalpyqazaqstandyq deńgeıge kóterý. Buny áleýmettik másele retinde kún tártibine qoıýymyz kerek» - dep atap ótti.

Al tarıh ǵylymynyń doktory, professor Jambyl Artyqbaev bolsa: «Naýryzdy» kóbine parsy sózi dep aıtamyz. Sebebi parsy derekterinde naýryz týraly málimetter kóp. Biraq, biz Naýryz parsylardan kelgen mereke degen túsinikten qutylýymyz kerek. Bul - ırandyqtardyń arasynda saqtalǵan túrkilerdiń ortaq tarıhy, ortaq merekesi. Naýryz meıramy ıran, sálim, túrki sııaqty etnıkalyq toptardyń ara-jigi ajyramaǵan tusta paıda bolǵan meıram» - dep merekeniń tarıhyna toqtaldy.

Іs-shara maqsaty- halqymyzdyń salt-dástúrine óskeleń urpaqtyń nazaryn aýdartý. Naýryz merekesiniń bastaýynda  beıbitshiliktiń, kelisimniń, ıgi maqsattardyń bastaýy men jańarýdyń jatqanyn dáripteý.