Astanada munaraly krannyń mashınısi mert boldy

ASTANA. KAZINFORM — Elordada munaraly kran mashınısi bıikten qulap qaıtys boldy. Aqparatty Astana qalalyq polıtsııa departamentiniń baspasóz qyzmeti rastady.

Kýágerlerdiń aıtýynsha, jumysshy krannan tómenge túsip kele jatqan. Abaısyzda qulap qalyp, aýyr jaraqattary saldarynan jan tapsyrdy.

«Atalǵan fakti boıynsha Qylmystyq kodekstiń «abaısyzda adam ólimine ákep soqtyrǵan qurylys jumystaryn júrgizý kezinde qaýipsizdik erejelerin buzý» baby boıynsha qylmystyq is qozǵalyp, qajetti saraptamalar taǵaıyndaldy», — dep habarlady vedomstvodan.

Atalǵan bapqa sáıkes, 6 jylǵa deıin bas bostandyǵynan aıyrý jazasy qarastyrylǵan.

Esterińizge salsaq, buǵan deıin Qostanaıda kranshynyń ólimine jumys berýshi kináli dep tanylǵan bolatyn.