Astanada múgedek balany uryp-soqqan tárbıeshini qandaı jaza kútip tur
Nur-Sultan qalasynyń polıtsııa departamentinen habarlaǵandaı, sotqa deıingi tergeý QR Qylmystyq kodeksiniń 140-baby 2-bóligi (kámeletke tolmaǵan balany tárbıeleý jónindegi mindetterdi oryndamaý) boıynsha bastaldy.
Osy bapqa sáıkes, kináli 160 AEK (508,8 myń teńge) deıingi mólsherde aıyppul salýǵa ne sol mólsherde túzeý jumysyna tartýǵa, ne 160 saǵat qoǵamdyq jumys isteýge, ne 3 jylǵa deıingi merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, 40 táýlikke deıingi merzimge qamaqqa alýǵa jazalanady.
«Qazirgi ýaqytta qylmystyq is boıynsha sotqa deıingi qajetti tergeý áreketteri júrgizilip jatyr, onyń nátıjeleri boıynsha balabaqsha tárbıeshileriniń, sondaı-aq basshysynyń áreketterine quqyqtyq baǵa beriletin bolady. Sotqa deıingi tergeý nátıjeleri týraly qylmystyq protseske qatysýshylardy tergeý júrgizetin organ habardar etedi», - delingen QazAqparat saýalyna berilgen jaýapta.
Eske salsaq, bıyl sáýirde jelide erekshe bilim berý qajettilikteri bar balaǵa jasalǵan óreskel áreket túsirilgen vıdeo taraǵan edi. Keıin tárbıeshige qatysty qylmystyq is qozǵalǵany týraly habarlandy.
