Astanada mektep jármeńkeleri qaıda jáne qashan ótedi

ASTANA. KAZINFORM - 1-31 tamyz aralyǵynda elorda boıynsha birneshe jerde mektep jármeńkesi jumys isteıdi, dep habarlaıdy Astana ákimdigi. 

Mektep jármeńkesi 1-31 tamyz aralyǵynda ótedi.

Munda keńse taýarlary men mektep formasyn qolaıly baǵamen satyp alýǵa bolady, onda dúkenderdegi baǵadan tómen bolady. Jármeńke búkil qalada jumys isteıdi.

Jármeńke myna oryndarda ótedi:

- «Aımaqtaý» SÚ 1 tamyzdan 5 qyrkúıekke deıin, jumys ýaqyty saǵat 9.00-den 20.00-ge deıin.
- «Tulpar» SÚ 1 tamyzdan 5 qyrkúıekke deıin, jumys ýaqyty saǵat 10.00-den 21.00-ge deıin.
- «Magnum» sýpermarketi (Turan dańǵyly, 55D) 3 tamyzdan 1 qyrkúıekke deıin táýlik boıy jumys isteıdi.
- «Anvar» sýpermarketi (Turan dańǵyly, 45) 3 tamyzdan 1 qyrkúıekke deıin, jumys ýaqyty saǵat 9.00-den 22.00-ge deıin.
- «Tumar» SÚ (Syǵanaq kóshesi, 1B) 1 tamyzdan 15 qyrkúıekke deıin, jumys ýaqyty saǵat 10.00-den 22.00-ge deıin.
- «Saryarqa» SOO (Turan dańǵyly, 24) 15 tamyz ben 1 qyrkúıek aralyǵynda, jumys ýaqyty saǵat 10.00-den 22.00-ge deıin.
- «Rahmet» SO 5 tamyzdan 31 tamyzǵa deıin, jumys ýaqyty saǵat 10.00-den 20.00-ge deıin.
- «Djafar» SO 5 tamyzdan 31 tamyzǵa deıin, jumys ýaqyty saǵat 10.00-den 20.00-ge deıin.
- «Kóktal» SOO 5 tamyzdan 31 tamyzǵa deıin, jumys ýaqyty saǵat 10.00-den 20.00-ge deıin.
- «Ásem» SOO 5 tamyzdan 31 tamyzǵa deıin, jumys ýaqyty saǵat 10.00-den 20.00-ge deıin.
- «Astana Mall» SOO 3, 4, 10, 11, 17, 18, 24, 25, 31 tamyz kúnderi, jumys ýaqyty saǵat 10.00-den 17.00-ge deıin.
- «Arýjan» SOO 3, 4, 10, 11, 17, 18, 24, 25, 31 tamyz kúnderi, jumys ýaqyty saǵat 10.00-den 17.00-ge deıin.

Esterińizge sala keteıik, 1 tamyz ben 30 qyrkúıek aralyǵynda Astanada jetim balalarǵa, az qamtylǵan jáne kópbalaly otbasylardan shyqqan balalarǵa kómek kórsetý úshin uıymdastyrylatyn «Mektepke jol» aktsııasy bastalady.

Onyń maqsaty – jańa oqý jylyna daıyndyq kezeńinde halyqtyń áleýmettik osal toptaryndaǵy balalarǵa kómek kórsetý.

Oǵan demeýshiler men beıjaı qaramaıtyn azamattar belsendi qatysady. Barlyǵy 8 500-den astam balany qamtý josparlanyp otyr.

Eger otbasy atalǵan sanattarǵa jatatyn bolsa, onda balalardyń ata-analary mektepke baryp, rastaıtyn qujattardy usynýy kerek.

Qazirgi ýaqytta mektepterdiń áleýmettik pedagogtary bilim alýshylardyń jańa jıyntyǵyn eskere otyryp, muqtaj balalardyń tizimin qalyptastyrýda.

Jalpyǵa birdeı bilim berý qory sheńberinde áleýmettik osal sanattaǵy 14 500 balany qamtý josparlanýda.

2024-2025 oqý jylynda materıaldyq kómektiń mólsheri bir balaǵa 43 407 teńgeni quraıdy.