Astanada lombard qyzmetkeri kásipkerge 58 mln teńge shyǵyn keltirgen
«Bul oqıǵa 2017 jylǵy 4 qazannan bastaý alady. Lombard materıaldaryna jaýapty kassırdiń ústinen is qozǵaldy. Araǵa 1,5 aı ýaqyt salyp atalǵan is belgisiz sebeppen joǵaldy. Іshki ister mınıstrine júgingen soń joǵalǵan is tabyldy. Ol boıynsha 1 jyldan astam ýaqyt boıy sotaldy tergeý amaldary júrdi. Sharýa ónbegen soń mınıstrdiń jeke qabyldaýyna kirdim. Sodan soń ǵana is sotqa jiberildi. Nátıjesinde 3 sot otyrysy ótti. Ár otyrys saıyn sot ókilderi isti negizsiz toqtatýǵa tyrysyp baqty. Sońynda oılaǵandary bolyp, qylmystyq isti qaraý toqtatyldy. Sot ókilderiniń aıtýynsha, isti odan ári qaraý úshin dálel men aıǵaq jetispeıdi. Desek te, bizdiń qolymyzda vıdeo, aýdıodálelder men kýágerler bar. Bıyl, mine, 5 jyl bolady. Al másele áli kúnge sheshimin tappaı keledi», - dedi «Lombard-Trıýmf-A» JShS dırektory Sveta Janaıdarova Nur-Sultan qalalyq «Atameken» ulttyq kásipkerler palatasy alańynda ótken baspasóz máslıhatynda.
Onyń aıtýynsha, lombardtyń burynǵy qyzmetkerinen zardap shekken basqa da azamattar bar.
«Ol qyzmetker meniń lombardymda 1 jyldan astam jumys istedi. Ol óz qyzmetin paıdalana otyryp lombardqa túsken paıdany aqshalaı jáne zattaı jymqyryp kelgen. Jalpy shyǵyn kólemi 58 mln teńgeden asyp túsedi. Sonymen qatar kúdikke ilingen burynǵy qyzmetkerim «maǵan eshteńe isteı almaısyń, meniń baılanysym myqty» degen eskertý jasady. Bolǵan jaıt boıynsha men barmaǵan organ qalǵan joq. Quzyrly organdardyń bárinde boldym. Jaǵdaıdy túsindirdim, soǵan qaramastan is toqtap tur. Sondyqtan shyndyqty izdep «Atameken» ulttyq kásipkerler palatasyna júgindim, endigi úmit BAQ ókilderinde», - deıdi ol.
Sondaı-aq, zardap shegýshiniń málimdeýinshe, burynǵy qyzmetkeri keltirgen shyǵyndy áli kúnge deıin lombard qojaıyny ózi ótep keledi.
Odan bólek, zardap shegýshi belgisiz bireýlerdiń qorqytyp, jeke basyna qaýip tóndirgenin aıtty.
«Meniń klıentim jeke kásipker. Ol jańa qyzmetkerdi lombardqa jumysqa alady. Ýaqyt óte kele lombard qojaıyny túsip jatqan paıdanyń azaıǵanyn, jetispeýshilikti baıqaıdy. Óz kezeginde qyzmetker jaýapkershilikten qashqaqtaı bastaıdy. Keıin qojaıyn lombardtan iri kólemde qarjy jymqyrylǵanyn anyqtaıdy. Aıta ketsek, lombard qyzmetinde is júrgizý boıynsha arnaıy baǵdarlama bar. Sonyń kómegimen búkil protsesti anyqtaýǵa bolady. Teksere kele aqshalaı shyǵynnan bólek, zattaı shyǵyn da tirkeledi. Qojaıyn birden polıtsııaǵa habarlasady. Sol sııaqty lombardta bolǵan jaıttyń barlyǵy beınebaqylaý kamerasyna jazylǵan. ıAǵnı, kimniń qashan kelgeni, ne bolǵany - bári bar», - dedi zardap shegýshiniń advokaty Jaqsybek Aıymbetov.
Osylaısha zardap shegýshi men onyń advokaty bolǵan jaıtqa qatysty istiń qaıta qolǵa alynyp, tıisti shara qabyldanýyn talap etip otyr.
