Astanada kún saıyn 800 tonna qatty turmystyq qaldyq shyǵarylady
«Clean City NC» JShS Astana qalasynda qatty turmystyq qaldyqtardy jınaý jáne olardy shyǵarý salasyndaǵy eń iri kompanııalardyń biri. Qazirgi ýaqytta mekemede 100-ge jýyq arnaıy tehnıka, 16 myńnan astam konteıner bar. Onyń ishinde 4 myńnan astamy - sary konteıner, qalǵandary - jasyl jáne metall. Kún saıyn shamamen 750-800 tonna qaldyq shyǵarylady», - dedi ol Astana qalasynyń kommýnıkatsııalar qyzmeti alańynda ótken brıfıngte.
Aıbek Tursynbekovtyń aıtýynsha mekeme jumys barysynda birneshe kedergige tap bolýda. Onyń biri – konteınerlerdi órteý. Bul arnaıy tehnıkalarǵa zııan keltirip qana qoımaı, aınaladaǵy adamdarǵa qaýip tóndiretin qolaısyz jaǵdaı.
«Taǵy bir kúrdeli másele - keıbir júrgizýshiler jeke avtokólik quraldaryn konteıner alańynyń aldyna qoıýy. Bul da jumysqa qolaısyzdyq týǵyzady jáne konteınerlerge kirýdi qıyndatady. Keıbir adamdar qatty turmystyq qaldyqqa jatpaıtyn qurylys jáne basqa qaldyqtardy konteınerlerge tastaıdy. Bul konteınerler men arnaıy tehnıkalardyń buzylýyna ákep soǵady», - dedi Aıbek Tursynbekov.
Osyǵan oraı «Clean City NC» JShS-niń ókili qala turǵyndarynan qoqys qaldyqtaryn ǵana konteınerge tastap, bógde zattardy laqtyrmaýyn ótindi.
