Astanada koronavırýstyń azdap óskeni baıqalady

ASTANA. KAZINFORM — Elordada koronavırýsqa qatysty jaǵdaı turaqty. Bul jaıynda Astana qalasynyń bas memlekettik sanıtarııa dárigeri Sarhat Beısenova aıtty.

«Qalada koronavırýs boıynsha epıdemıologııalyq jaǵdaı turaqty dep sanaımyz. Biz jasyl aımaqta turmyz. Degenmen, naýqastanǵandar tirkelip jatyr. Biz apta saıyn monıtorıng júrgizip, syrqattaný statıstıkasyn tapsyramyz. Eger statıstıkany qaraıtyn bolsaq, jeltoqsanda — 61, qańtarda — 74 jaǵdaı tirkeldi. Sońǵy aptalarda 21 jáne 25 jaǵdaıdan tirkelip otyr. ıAǵnı, jeltoqsanda aptasyna shamamen 13-15 jaǵdaı bolsa, qańtarda tirkelgen naýqastar sany 18 jaǵdaıǵa artty. Al aqpanda azdap ósim baıqalyp, aptasyna 25 jaǵdaıǵa deıin jetti», — dedi ol Astana qalasynyń kommýnıkatsııalar qyzmetinde ótken brıfıngte.

Onyń atap ótýinshe, koronavırýsqa shaldyqqandar bir-birimen baılanysta bolmaǵan. 

«Búginde statsıonarda 3 naýqas em alyp jatyr. Qalǵan naýqastarda klınıkalyq belgileri joq, ambýlatorlyq em alý ústinde. Munyń ústine monıtorıng mindetti túrde júrgiziledi», — dedi Sarhat Beısenova.