Astanada kórkem gımnastıkadan Grand Prix Alem básekesi bastaldy

ASTANA. KAZINFORM — Elordada kórkem gımnastıkadan alǵashqy Grand Prix Alem halyqaralyq jarysy ótip jatyr, dep habarlady Astana qalasy ákimdiginiń resmı saıty.

Júlde qory 7 mıllıon teńgeni quraıtyn týrnırge elimizdiń óńirlerinen bólek, Reseıden «Nebesnaıa Gratsııa» jáne «Lıbertı» mektepteriniń shákirtteri de qatysýǵa sheshim qabyldady.

— Jarysymyz Respýblıka kúnine oraı uıymdastyryldy. Grand Prix Alem halyqaralyq dodasy búgin alǵash ret ótkizilip jatyr. Osyndaı jarystar sportshylarymyzdyń daıyndyǵyn shyńdap, júldeli oryn alýlaryna yqpalyn tıgizedi. Buıyrsa, aldaǵy jyldary dástúrge aınaldyrsaq degen oıymyz bar, — dedi kórkem gımnastıkadan Astana qalasy federatsııasynyń vıtse-prezdıenti Omar Tashenov.

23-24 qazan kúnderi aralyǵynda ótetin dodada 2007-2021 jyldary dúnıege kelgen 500-ge jýyq gımnasshy jeke jáne toptyq saıystarda júldegerlerdi anyqtaıdy.

Afına Olımpıadasynyń chempıony Alına Kabaevanyń «Nebesnaıa Gratsııa» mektebinen Aleksandra Borısova, ıAna Sakovıch, Anna Vakýlenko jáne Qazaqstan ulttyq quramasynyń múshesi Jansaıa Jańbyrshıeva syndy ataqty sportshylardyń qatysýy jarystyń kórkin odan ári qyzdyra túspek.

Osyǵan deıin sporttyq gımnastıkadan Djakartadaǵy álem chempıonatyna elimizden kimder qatysatynyn jazdyq.