Astanada Konstıtýtsııa kúnine oraı jastar aktsııasy ótti

ASTANA. 30 tamyz. QazAqparat - Búgin Astanada Qazaqstan jastary kongresiniń uıymdastyrýymen Konstıtýtsııa kúnine oraı «Bizben birge qadam jasa!» atty patrıottyq jastar aktsııasy ótti.

Shara aıasynda elorda kóshelerimen 30-dan astam avtokólikterden jáne 50 shaqty mototsıklderden jasaqtalǵan sherý júrip ótti. Sherý barysynda jastar Qazaqstannyń Týyn qoldaryna ustap, otansúıgishtik urandardy aıtty.

Uıymdastyrýshylardyń sózinshe, sharanyń maqsaty - óskeleń urpaq aldynda Konstıtýtsııamyzǵa degen qurmet sezimin arttyrý, týǵan eldiń, týǵan jerdiń Ata Zańyn syılaý - el azamattarynyń boryshy ekenin uǵyndyrýǵa baǵyttalǵan.

Sherý sońynda oǵan qatysýshylar «Mega Astana» OSO aldynda jınalyp, jappaı sýretke túsý sharasyn ótkizdi.