Astanada Konstıtýtsııa kúnine oraı «Qazaq óneri» merekelik kontserti ótedi

ASTANA. 29 tamyz. QazAqparat - Búgin memlekettik mereke - Konstıtýtsııa kúni qarsańynda Beıbitshilik jáne Kelisim saraıynda «Qazaq óneri» merekelik kontserti ótedi.

QR Mádenıet jáne aqparat mınıstrligi astana.kz saıtyna habarlaǵandaı, sahnada bı jáne folklorlyq-etnografııalyq ansamblder, QR eńbek sińirgen ártisteri óner kórsetedi.

Maıra Muhamedqyzy, Medeý Arynbaev, «Ulytaý» toby, Maqpal Isabekova, MýzArt toby, Marjan Arapbaeva, Rýstem Nurjigitov, Aıqyn Tólepbergen jáne qazaq estradasynyń basqa da juldyzdary elorda turǵyndary men qonaqtaryn mereke kúnimen quttyqtaıdy.

Kontsert saǵat 16.00 bastalady.

Eske sala keteıik, 30-31 tamyzda Qazaqstan Respýblıkasynyń Konstıtýtsııa kúnin atap ótý aıasynda elordada birqatar is-sharalar uıymdastyrylady. Atap aıtqanda, halyqtyq serýen, merekelik kontsertter, kórmeler, «dóńgelek ústelder», kezdesýler, festıvaldar men ǵylymı-praktıkalyq konferentsııalar.