Astanada Konstıtýtsııa kúnine arnalǵan alqaly jıyn bastaldy
Alqaly jıynǵa elimizdiń barlyq memlekettik organdary - QR Prezıdentiniń Ákimshiligi, Úkimet, Parlament Senaty men Májilisi, Konstıtýtsııalyq keńes, Joǵarǵy sot jáne barlyq mınıstrlikterdiń basshylary qatysýda. Elbasy Nursultan Nazarbaev ta atalǵan konferentsııadan tys qalmaı, óziniń quttyqtaý hatyn joldady. Ony QR Memlekettik hatshysy Marat Tájın oqyp berdi. Sondaı-aq atalǵan jıynǵa QR Premer-Mınıstri Serik Ahmetov, Eýropa keńesi Venetsııa komıssııasynyń tóraǵasy Djannı Býkıkkıo, Azııa elderiniń konstıtýtsııalyq sottary men balamaly ınstıtýttary qaýymdastyǵynyń prezıdenti, Túrkııanyń Konstıtýtsııalyq sotynyń tóraǵasy Hashım Kalıch, Eýrazııalyq ekonomıkalyq qaýymdastyǵy sotynyń tóraıymy Anna Sokolovskaıa, Ázirbaıjannyń Konstıtýtsııalyq keńesiniń tóraǵasy Farhad Abdýllaev, Koreıanyń Adam quqyqtary jónindegi ulttyq komıssııasynyń tóraǵasy Beng Chol Hen jáne taǵy basqa halyqaralyq uıymdardyń ókilderi qatysýda.