Astanada kommýnaldyq qyzmet qalaı jumys istep jatyr
Astanada qala kóshelerin qardan tazartýǵa 2300-den astam jol jumysshy men 1400-ge jýyq arnaıy tehnıka jumyldyryldy. Qardan tazartý 18 jeltoqsanǵa qaraǵan túnnen, ıaǵnı qar jaýǵannan bastap júrgizilip jatyr, dep habarlaıdy Kazinform ákimdiktiń resmı saıtyna silteme jasap.
Qar tazalaý jumysy kúsheıtilgen rejımde, keshki jáne túngi ýaqytta, sondaı-aq marshrýttardy belgileý arqyly júrgiziledi. Birinshi kezekte, erejege sáıkes, joldarda keptelis bolmas úshin qozǵalysy qarqyndy ýchaskeler tazartylady. Ary qaraı, qozǵalysy ortasha qarqyndy ýchaskeler – alańdar, vokzal mańyndaǵy aýmaqtar, trotýarlar tazartylady.
Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylǵan, sol sııaqty jaryqtandyrý qosylǵan.
Qys mezgiliniń basynan beri jáne jaýyn-shashyn jaýǵannan beri qar polıgondaryna 100 myń tekshe metrden astam qar shyǵaryldy jáne 6600-den astam reıs jasaldy.
«Qala turǵyndary men qonaqtaryn kóshede júrgende óte muqııat bolýǵa, qaýipsizdik erejelerin saqtaýǵa shaqyramyz», - delingen habarlamada.
