Astanada qoǵamdyq kólikke bir kúnde 1 mln astam adam mindi

ASTANA. KAZINFORM – Astanada qoǵamdyq kóliktegi jolaýshylar legi rekordty deńgeıge jetti. Bul kórsetkish 1 mln sapardy qurap otyr, dep habarlaıdy CTS.

Qala halqynyń qazirgi sany 1 544 142 adam bolatyn elordanyń qoǵamdyq kóligindegi táýliktik jolaýshylar legi 1 005 329 sapardy qurady.

2024-2025 jyldary kózdelgen kelesi sharalardyń júzege asyrylýy qoǵamdyq kóliktiń tartymdylyǵyn arttyrýǵa jáne jolaýshylar leginiń aıtarlyqtaı ósýine múmkindik berdi:

• 700-den astam jańa avtobýs jetkizildi;
• qoǵamdyq kóliktiń ortasha qozǵalys jyldamdyǵy 16 km/saǵ-tan 18 km/saǵ-qa deıin artty;
• Avtobýstardy kútý aralyǵy 16 mınýttan 13 mınýtqa deıin qysqardy;
• Bus lane (avtobýs jolaǵy) 130 shaqyrymǵa deıin ulǵaıdy/uzardy;
• 5 ekspress, 5 turaqty jáne 1 aınalma marshrýt iske qosyldy.

Kún saıyn qala kóshelerine 105 marshrýt boıynsha 1210 avtobýs shyǵady.

Aıta keteıik, Astanada 14 avtobýstyń baǵyty ýaqytsha ózgeredi.