Astanada klassıkalyq shahmattan Qazaqstan birinshiliginde jeńimpazdar anyqtaldy

ASTANA. KAZINFORM - Astana qalasynda ótken klassıkalyq shahmattan Qazaqstan birinshiliginde jeńimpazdar anyqtaldy.

El birinshiligi 21 mamyr men 1 maýsym aralyǵynda ótkizildi. Jarys barysynda 14 qatysýshy arasynan Almaty oblysynan kelgen 14 jastaǵy Elnaz Qalıahmet (10 upaı) chempıony ataǵyn ıelendi. Ol Merýert Kamalıdenova, Ámına Qaıyrbekova, Alýa Nurman, Ksenııa Balabaevany artta qaldyryp ketti. Osylaısha ol Qazaqstannyń eń jas chempıony atandy. Sondaı-aq úzdik úshtikte atyraýlyq Zarına Nurǵalıeva (9,5 upaı) men astanalyq Merýert Kamalıdenova (8,5 upaı) bar.

Al erler arasynda chempıondyqtyń taǵdyry Qazybek Nógerbek pen Denıs Mahnevtiń arasyndaǵy qosymsha rapıd jáne blıts partııalarynda sheshildi. Nátıjesinde Qazybek óz mansabynda alǵash ret top jardy.

Osylaısha alǵashqy eki oryndy 9 upaı jınaǵan astanalyq Qazybek Nógerbek pen pavlodarlyq Denıs Mahnev ózara bólisse, Shyǵys Qazaqstan oblysynan kelgen Aldııar Ańsat úshinshi oryn aldy.

Týrnırdiń jalpy júlde qory – 20 mıllıon teńge.

Eske salsaq, budan buryn qazaqstandyq 19 jastaǵy Ksenııa Balabaeva Birikken Arab Ámirliginiń Ál-Aın qalasynda ótken Azııa chempıonatynda klassıkalyq shahmattan qola medal aldy.