Astanada qazaq-nemis mektebi ashylady
ASTANA. KAZINFORM – Elordada qazaq-nemis mektebi ashylady. Bul týraly Senat depýtaty, QR Prezıdenti janyndaǵy Ulttyq Quryltaı múshesi, «Vozrojdenıe» qazaqstandyq nemister birlestigi» QQ qamqorshylyq keńesiniń tóraǵasy Evgenıı Bolgert aıtty.
«Qazirgi kezde bizdiń jastar óte kúrdeli syn-tegeýringe tap bolyp jatady. Buǵan qarqyndy tsıfrlandyrý jáne jasandy ıntellekti de qatysty. Bilim berý júıesi únemi bir qadam ozyq bolýy kerek», - dedi E. Bolgert Atyraýda ótip jatqan Ulttyq quryltaıda.
Bul turǵyda ol elimizde progressıvti oqý oryndary qajet ekenin aıtty.
«Osy oraıda Astanadaǵy qazaq-nemis mektebin atap ótýge bolady. Búkil Ortalyq Azııa úshin biregeı bul oqý orny bizdiń balalarymyzǵa Germanııa men Eýropanyń bilim keńistigine kedergisiz qol jetkizýge múmkindik beredi. Óıtkeni, búginde jastarymyzdy ómirge mektepter daıyndaıdy», - dedi senator.
