Astanada qar kúreýge 1,4 myńnan astam arnaıy tehnıka jumyldyryldy

ASTANA. KAZINFORM - Astanada qardyń mol jaýýyna baılanysty qalanyń kommýnaldyq qyzmeti táýlik boıy kúsheıtilgen rejımde jumys istep jatyr. 7 aqpan kúni tústen keıin qar polıgondaryna 51 myń tekshe metrden astam qar shyǵaryldy, dep habarlaıdy elorda ákimdiginiń resmı saıty.

8 aqpanǵa qaraǵan túni qala boıynsha 300-den astam jol jumysshysy men 1,4 myńnan astam arnaıy tehnıka jumys isteıtin bolady.

Kúndiz qaladan 3,6 myń aýyr júk kólemine teń 51 myń tekshe metrden astam qar shyǵaryldy.

Qys mezgiliniń basynan bastap qar polıgondaryna 292 myń reıs arqyly 3,9 mln tekshe metrden astam qar jetkizildi.

«Qazgıdromet» RMK derekteri boıynsha tańerteń jáne tústen keıin 7, 8, 9 aqpan kúnderi Astanada qarly boran, kóktaıǵaq bolýy múmkin. Ońtústik-batysqa aýysatyn ońtústik-shyǵystan soǵatyn jel ekpini 15-20 m/s, keıde 23-28 m/s bolýy múmkin.

Jarııalanǵan daýyldy eskertýge baılanysty Astana qalasynyń Tótenshe jaǵdaılar departamenti elorda turǵyndary men qonaqtaryn mamandardyń usynymdaryn tyńdaýǵa, saq bolýǵa, aýa raıynyń ózgerýi jáne engizilgen shekteýler týraly aqparatty qadaǵalaýǵa shaqyrady.