Astanada kallıgrafııa mamandary bas qosty

ASTANA. KAZINFORM - Astanada halyqaralyq kallıgrafııa sheberlik saǵattary ótip jatyr. Jazý ónerin y jańǵyrtyp júrgen sheberler kelýshilerge birneshe stılde grafıkalyq jazý úlgisin kórsetti.

Іs-shara keshe «qusnıhat» kórmesinen bastalǵan. Kórmede kóptiń kóńilinen shyqqan eń qundy jádiger - Muhammed paıǵambardyń papırýsqa jazylǵan eki hatynyń kóshirmesi boldy.

Qyrǵyzstandyq Talaıbek Qojamuratov Islam kallıgrafııasyn 1992-93-shi jyldary úırene bastapty. Sol ýaqytta Bishkektiń bas ımamynan tálim alǵan ol keıinirek kóne ónerden birshama ýaqyt qol úzip qalǵan.

- Kórkem jazý boıynsha birinshi ustazym Joldashan Markuly, ekinshi ustazym Abdýlmajıt qarı - Bishkektiń ımamy bolǵan. Negizgi ustazdarym osy kisiler boldy. Bári sol kezden bastaldy. Keıin biraz toqtap qalyp, qaıta bastaǵanyma da 21 jyldan asypty.

– Idjazańyz bar ma ?

– Idjaza jaqynda bolady, - deıdi kallıgraf Talaıbek Qojamuratov.

Al, Asylbek Orynbasar Qazaqstandaǵy ıdjazasy bar jalǵyz kallıgraf ári elordadaǵy Respýblıkalyq bas meshittegi kóne jazýlardyń avtory. Ol meshit qabyrǵalaryn kórkemdeýge 3 jyl ýaqytyn jumsaǵan.

- Men Ortalyq Azııa boıynsha 5 memlekettiń ishinde alǵash bolyp Islam kallıgrafısynyń ıdjazasyn alǵan adammyn. 2022 jyly Búkil dúnıejúzilik musylmandar qaýymdastyǵyna qaraıtyn Irsıka degen uıym bolǵan. Shtab-páteri Túrkııanyń Ystanbul qalasynda. Sol jerden ıdjaza aldyq, - dedi kallıgraf Orynbasar Asylbek.

Idjaza – kallıgrafııa ónerin ózge de shákirtterge úıretýge bolady degen ruqsat qaǵazy. Bir sózben aıtqanda – dıplom. Ol bolmasa, óneriń baǵalanbaıdy.

Kallıgrafııa – ǵasyrlar boıy qalyptasqan óner men rýhanııattyń aınasy. Ol tek grafıkalyq sýretter jıyntyǵy ǵana emes, tarıhy tereń rýhanı máni bar qundy mura.

Jalpy arab kallıgrafııasynyń jeti túri bar. Sonyń eń kóp taraǵany ári eń kóne túri Devanı stıli.

Qoljazbalar jáne sırek kitaptar ortalyǵynyń bas sarapshysy Almat Apsalıkovtyń aıtýynsha, kallıgrafııa tek qana arab grafıkasymen jazylmaıdy. Onyń latyn tilinde jáne kırılıtsamen jazylǵandary da bar. Arab grafıkasynyń kallıgrafııasy úlken óner ári úlken bir órkenıettiń nyshany. Kallıgrafııa arqyly kóp nárse túsinýge bolady.

Aıta keteıik, úsh kúndik sharanyń ótýine «Ortalyq Azııa Musylman aqsaqaldar keńesi» uıymy muryndyq boldy. Rýhanı jıynǵa zııaly qaýym ókilderi, Senat depýtattary men qosa qala turǵyndary kóptep jınaldy.

Osyǵan deıin Astanada 300 jas mýzykant áıgili kúılerdi oryndaǵany týraly jazdyq.