Astanada qaldyqtardan energııa óndiriledi
Bul týraly búgin EKSPO-2017 aýmaǵynda Astana men Almaty oblysy ákimderiniń jáne energetıka vıtse-mınıstriniń «Operator ROP» JShS, Qazaqstannyń ekologııalyq uıymdarynyń basshylyǵymen kezdesýi barysynda jarııa etildi.
«Meniń oıymsha, EKSPO kórmesi qalalardyń damýyna aldyńǵy qatarly tehnologııalardy engizý úshin uıymdastyrylǵan sııaqty. Memleket basshysy elimizdegi ekologııalyq jaǵdaı men jasyl tehnologııalardyń qoldanylýyna erekshe mán beredi. Sondyqtan, qazir qala ákimdigi Astana qalasyndaǵy qaldyqtardy basqarý júıesin jańartýdy kózdeıtin baǵdarlama jasaqtady», - dep atap ótti Áset Isekeshev.
Sondaı-aq, ol álemdegi qaldyqty basqarý júıeleriniń kóz ilespes jyldamdyqpen damyp jatqanyn basa aıtty.
«Biz qabyldaǵan baǵdarlama qoqysty jınaý, tasymaldaý, óńdeý jáne polıgondarǵa kómý syndy tutas tsıkldy qamtıdy. Qala aýmaǵy 24 bólikke bólingen, onda 10 myńnan astam konteıner ornatylǵan. Qatty turmystyq qaldyqtardy shyǵarýǵa kúndelikti 70-ten astam arnaıy tehnıka jumyldyryldy, myńdaǵan tonnadan astam qaldyq shyǵarylady», - deıdi ákim.
Qala basshysy baǵdarlamanyń eki kezeńde júzege asyrylatynyn atap ótti. Alǵashqy kezeń qazirgi qoqys óńdeý keshenderin qosymsha tehnologııalar engizý jolymen jańartýǵa baǵyttalǵan. Ekinshi kezeń organıkalyq qaldyqtardy ashytý men qoqys gazyn óńdeý arqyly 2019 jylǵa qaraı óńdeý aýqymyn 75%-ǵa deıin jetkizýdi kózdeıdi.
