Astanada qala kúni 78 sábı dúnıege keldi

NUR-SULTAN. QazAqparat – Keshe Astana kúni merekesinde Nur-Sultan qalasynda 78 náreste dúnıe esigin ashty, dep habarlaıdy QazAqparat tilshisi.

Qalalyq qoǵamdyq densaýlyq saqtaý basqarmasynyń baspasóz qyzmeti bergen derek boıynsha, 6 shilde kúni elordada 78 bala ómirge keldi. Olardyń 46-sy - ul, 32-si - qyz bala.

Sábılerdiń dúnıege kelýi týraly esep 6 shilde kúni túngi saǵat 00:00-den 24:00-ge deıin júrgizildi.

Eske salsaq, bıyl jańa jylda Nur-Sultan qalasynda 16 bala dúnıege kelgen edi.

Al maýsymda ótken referendým kúni elordada 65 sábı týdy . Onyń 36-sy - er bala, 29-y - qyz bala.

Aıta ketsek, Ulttyq statıstıka bıýrosynyń bıyl qańtar-sáýirdegi demografııalyq ahýal týraly málimetine sáıkes, dúnıege kelgen sábıler sany byltyrǵydan 7,6 paıyzǵa az .