Astanada «JUMYSTAP.kz» servıstik platformasy iske qosyldy
ASTANA. KAZINFORM – Bıylǵy tamyzda Astanada «JUMYSTAP.kz» servıstik platformasy iske qosyldy. Platforma jumys izdeýshilerge jumys tabýdy jeńildetedi, al jumys berýshiler kadrlarǵa degen qajettiliktiń ornyn toltyra alady. Bul týraly elorda ákimdiginiń resmı saıty habarlady.
«JUMYSTAP.kz» platformasyna bir aı ishinde astananyń 600-den astam iri jáne jelilik jumys berýshileri qosyldy. Munda tseh operatorlarynyń pozıtsııasynan bastap dızaınerdiń qashyqtan jumys isteýine deıingi ekonomıkanyń barlyq negizgi salalary boıynsha qyzmetkerler men tapsyrys berýshilerdi izdeý týraly myńnan astam habarlandyrý usynylǵan.
«Saıt óte yńǵaıly, jumys berýshilerge Whatsapp arqyly tikeleı jaza alasyz. Kóptegen jumys oryndary kún saıyn jańartylady. Men birneshe aı buryn Astanaǵa kóship kelip, yńǵaıly kestemen jumys izdep júrmin. Endigi dúkenge taǵylymdamadan ótý jóninde habarlastym», - dedi platformanyń qoldanýshysy Ásem.
Bastapqyda platforma tek «JOLTAP» jobasynyń túlekterine arnalǵan. Alaıda kóptegen adamnyń ótinishteri boıynsha tirkeý barlyq adamdar úshin ashyq bolyp otyr.
Tigin isi boıynsha kýrstardyń túlegi Aınur Astanadaǵy jumyssyzdyqpen kúresýdiń keshendi ári tıimdi tásilin erekshe atap ótti.
«Joba uıymdastyrýshylaryna osyndaı múmkindik jasaǵany úshin alǵys aıtqym keledi. Men kópten beri tigin sheberligin ıgergim kelip júrgen. Qańtar aıynan bastap jańa ómir bastaýǵa sheshim qabyldap, «Vstrecha» saýda úıiniń janyndaǵy «JOLTAP» jobasynyń modýldik pýnktine bardym. Maǵan barlyq qoldaý sharalary boıynsha keńes berilip, oqýǵa jazyldym, birneshe aıdan keıin oqý synybyna shaqyryldym. Synyptar joǵary deńgeıde jabdyqtalǵan. Bir aı boıy bizge tigin praktıkasy úıretildi. Bizdi únemi joba toby alyp júrdi. Sertıfıkat alǵannan keıin de maǵan platformada tirkelýge kómektesti. Platforma arqyly men túrik-qazaq tigin fabrıkasynda bos oryn baryn bilip, osynda eki aptadan beri jumys istep júrmin», - dep bólisti qala turǵyny.
«JUMYSTAP.kz» platformasynda «JOLTAP» jobasynyń túlekterine 15 daǵdy boıynsha – 7 tsıfrlyq (SMM, saıttardy ázirleý, beınemontaj, Grafıkalyq dızaın, mobılografııa, marketpleısterdegi saýda, target) jáne 8 jumys daǵdy (tiginshi, sánger-konstrýktor, býhgalterlik esep negizderi, korpýstyq jıhaz jasaý negizderi, Satýshy - kassır, elektr gazben dánekerleýshi) usynyldy, barısta, aıaq kıimdi jóndeý) boıynsha jumystar usynylǵan.
Platforma jumys berýshiler úshin de, jumys izdeýshiler úshin de aqysyz jáne komıssııasyz ári deldaldarsyz. Habarlandyrýlar men izdenýshiler pýly boıynsha yńǵaıly irikteý qarastyrylǵan.
Platforma týraly barlyq suraqtar boıynsha «JOLTAP2» jobasynyń Call-ortalyǵyna habarlasýǵa bolady:
+7 707 221-31-31.
