Astanada Іsker áıelderdiń Ortalyq Azııalyq І kongresi ótedi

ASTANA. 22 mamyr. QazAqparat - 2012 jylǵy 23 mamyrda Táýelsizdik saraıynda V Astana ekonomıkalyq forýmy aıasynda Іsker áıelderdiń Ortalyq Azııalyq І kongresi ótkiziledi, dep habarlady QR Mádenıet jáne aqparat mınıstrliginiń baspasóz qyzmeti.

Kún tártibinde «Qazirgi zamandaǵy áıelder kóshbasshylyǵy» (moderator - Gúlshara Ábdiqalyqova, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymy - Qazaqstan Respýblıkasy Eńbek jáne halyqty áleýmettik qorǵaý mınıstri) jáne «Áıelderdiń ekonomıkalyq áleýetin arttyrý» (moderator - Lázzat Ibragımova, «Damý» kásipkerlikti damytý qory» AQ Basqarmasynyń tóraıymy, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi) taqyryptaryna pikirsaıystar ótedi.

Kongrestiń negizgi maqsattary men mindetteri: Ortalyq Azııa óńirlerin ekonomıkalyq damytýdyń áleýmettik-ekonomıkalyq, quqyqtyq, mádenı máselelerin talqylaý jáne ońtaıly sheshimin izdestirý úshin ǵalym ekonomısterdi, memlekettik organdardyń, bıznestiń, qoǵamdastyq pen halyqaralyq uıymdardyń ókilderin biriktirý; áıelderdiń kásipkerlik, saıası jáne áleýmettik belsendiligi salasyndaǵy aqparatpen, bilim jáne tájirıbemen bólisý; Ortalyq Azııa óńirlerinde áıelder kásipkerligin damytý úshin neǵurlym qolaıly isker ahýal ornatýǵa yqpal etý bolyp tabylady.

Pikirsaıystarǵa BUU Áıelder uıymynyń Shyǵys Eýropa men Ortalyq Azııadaǵy óńirlik baǵdarlamalarynyń dırektory Damıra Sartbaeva,  5 saılanǵan Qyrǵyz Respýblıkasy Joǵorǵý Keneshi Áleýmettik saıasat komıtetiniń tóraıymy Damıra Nııazalıeva, Tájikstan Respýblıkasy Áıelder jáne otbasy isteri komıteti tóraǵasynyń birinshi orynbasary Hılolbı Kýrbonova, Ózbekstan isker áıelderi qaýymdastyǵynyń tóraıymy Gýlnora Mahmýdova, shveıtsarııalyq «Genint SA» kompanııasynyń ókili Bermet Akaeva, Elshi, Eýropalyq Odaqtyń Qazaqstan Respýblıkasyndaǵy ókildiginiń basshysy  Býshez Aýrelııa, Ulybrıtanııa Atom energetıka agenttiginiń Qurmetti tóraıymy Ledı Barbara Tomas-Djadj jáne basqa da kongress qonaqtary qatysady.

Uıymdastyrýshylar: Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa, Qazaqstan-Brıtan Saýda-Ónerkásiptik palata, «Nomad Media Group» kompanııasy.