Astanada ınternet dúken arqyly sıntetıkalyq esirtki satqan kúdikti ustaldy
Elordalyq polıtseıler Astanada sıntetıkalyq esirtkini ótkizýge qatysy bar ınternet dúkenderdi joıý boıynsha jumys júrgizip jatyr. Zamanaýı jastar arasynda jańadan shyqqan sıntetıkalyq esirtki men psıhıkalyq belsendi zattardy qoldaný sánge aınalyp, ókinishke oraı keńinen nasıhattalýda. Buny esirtki deldaldary paıdalanyp, ınternet resýrtary arqyly tyıym salynǵan zattardy jappaı ótkizýde.
Polıtseıler jedel-izdestirý is-sharalaryn júrgizý barysynda Qabanbaı batyr kóshesinde tikeleı baılanyssyz ınternet dúken arqyly esirtkini ótkizgen 19 jastaǵy astanalyq jas jigitti anyqtady. Esirtkini ótkizýshi halyq kóp jınalatyn oryndarǵa, ortalyq saıabaqqa jasyryp qoıyp ketý arqyly esirtkini belgili bir jerlerge qaldyryp otyrǵan.
Jedel-tergeý is-sharalaryn júrgizý barysynda jas jigit qylmys jasaǵanyn moıyndaǵan jáne ınternet dúkenniń jumys júıesi týraly jáne ol jerden alatyn zańsyz syıaqy týraly aıtyp bergen.
Jeke tintý barysynda odan ishinde sıntetıkalyq esirtkisi bar 40 túıinshek tabylyp, tárkilendi. Alynǵan mefedron sıntetıkalyq esirtkiniń jalpy salmaǵy 40 gramm nemese 150 ret qoldanylatyn doza.
Qylmystyq is qozǵaldy. 19 jastaǵy elorda turǵyny Astana qalasy PD ýaqytsha ustaý ızolıatoryna qamaldy. Esirtkini ótkizýge birge qatysqandardy anyqtaý jáne ustaý boıynsha jedel-izdestirý is-sharalary júrgizilip jatyr.
