Astanada ınternet alaıaqtyqtan kelgen shyǵyn 1,6 mlrd teńgeden asty

ASTANA. QazAqparat – Elordada jyl basynan beri 3718 ınternet-alaıaqtyq isi tirkeldi, 72 aıypty jaýapqa tartyldy. Bul týraly Astana qalasy Polıtsııa departamenti krımınaldyq polıtsııa basqarmasy basshysynyń orynbasary Qaırat Mádıev málim etti, dep habarlaıdy QazAqparat tilshisi.

«Aqparattyq tehnologııanyń damýy ınternet-alaıaqtyq áreketteriniń kóbeıýine alyp keldi. Sonymen qatar alaıaqtyq jasaıtyndardy anyqtaý múmkindigi de azaıýda. Sońǵy 5 jyl ishinde elorda aýmaǵynda ınternet-alaıaqtyqqa qatysty 9944 is tirkeldi. Al bıyl jyl basynan beri 3718 alaıaqtyq jasaldy. Qazan aıynyń ishinde 300-den astam ınternet-alaıaqtyq isi tirkeýge alyndy. Jalpy shyǵyn 1 mlrd 657 mln teńgeni quraıdy. Onyń ishinde 147 mln teńge búginde óteldi», - dedi Qaırat Mádıev elordanyń Polıtsııa departamentinde ótken baspasóz máslıhatynda.

Onyń aıtýynsha, ınternet-alaıaqtyq áreketteriniń keń taralǵan túri – alaıaq ózin bank nemese quqyq qorǵaý organdarynyń qyzmetkeri retinde tanystyryp, ınvestıtsııa quıýǵa shaqyrady.

Sondaı-aq alaıaqtar óz oıyn onlaın saýda nemese qyzmet kórsetý arqyly júzege asyryp jatady. ıAǵnı, klıentke zatty satyp almas jáne qyzmetti paıdalanbas buryn aldyn ala tólem jasaýdy suraıdy. Al aqsha túsken soń, klıentti buǵattap tastaıdy.

«Internet-alaıaqtyq isi boıynsha 72 aıypty ustalyp, jaýapqa tartyldy. Sol sııaqty 3 qylmystyq toptyń joly kesildi. Bıyl qyrkúıekte arnaıy operatsııa barysynda krımınaldyq polıtsııa qyzmetkerleri SQO-daǵy áriptesterimen birlesip 7 adamnan turatyn topty quryqtady. Olar ózderin bank qyzmetkerimin dep tanystyryp, bógde kisilerdiń atynan nesıe rásimdegen», - deıdi ol.