Astanada gashıshtiń iri partııasy tárkilendi

Elordanyń polıtsııa qyzmetkerleri jedel-izdestirý is-sharalaryn júrgizý barysynda qala aýmaǵynda esirtki quraldaryn jetkizýge jáne ótkizýge qatysy bar eki adamdy anyqtady, dep habarlaıdy Kazinform.

Polisia.kz málimetinshe, ustalǵandardyń biri – 30 jastaǵy er adam. Jeke tintý kezinde odan 10 kg gashısh esirtki zaty salynǵan sporttyq sómke tabylyp, tárkilendi.

«Jedel is-sharalardy ótkizý barysynda polıtsııa qyzmetkerleri onyń sybaılasynyń izine tústi. Tilendıev kóshesinde BMW avtokóligi toqtatyldy. 29 jastaǵy er adamnan 205,90 gramm gashısh esirtki zaty salynǵan oram tárkilendi.

Osy fakti boıynsha QR Qylmystyq kodeksiniń 297-babymen («Esirtki, psıhotroptyq zattardy, olardyń analogtaryn ótkizý maqsatynda zańsyz daıyndaý, óńdeý, satyp alý, saqtaý, tasymaldaý, jóneltý nemese ótkizý») sotqa deıingi tergep-tekserý bastaldy. Kúdiktiler qamaýǵa alyndy», - delingen usynylǵan aqparatta.

Jalpy Astanada bıylǵy jyl basynan esirtki qylmysyna qatysty 218 is ashyldy, zańsyz aınalymnan 265 kg túrli esirtki tárkilendi.