Astanada feldsherge qol kótergen aıyptalýshy 1,5 jylǵa sottaldy

ASTANA. KAZINFORM — Astana qalasynyń qylmystyq ister jónindegi aýdanaralyq soty densaýlyqqa qasaqana aýyrlyǵy ortasha zııan keltirý faktisi boıynsha K.-ge qatysty úkim shyǵardy.

2025 jylǵy 29 qańtarda Astanada jedel járdem feldsheri qyzmettik mindetin atqaryp júrgen kezde, úıdiń janynda bir adammen janjaldasyp qalǵan. Sol kezde sottalýshy K. feldsherge qol kóterip, onyń basyna zaqym keltirgen. Feldsherge jabyq bas-mı jaraqaty dıagnozy qoıyldy. 

Sot protsesinde K. kinásin tolyq moıyndap, jasaǵan isine ókinish bildirdi. Prokýror oǵan 1 jyl bas bostandyǵyn shekteý jazasyn surasa, jábirlenýshi 3 jyl shekteýdi jáne keltirilgen materıaldyq shyǵyndy óteýdi talap etti.

— Sot K.-ny kináli dep tanyp, jeńildetetin jaǵdaılar retinde onyń kinásin moıyndaýyn, ókinishin jáne jas balasynyń bar ekenin eskerip, 1 jyl 6 aı shartty túrde bas bostandyǵynan aıyrý jazasyn taǵaıyndady. Sonymen qatar, keltirilgen materıaldyq shyǵyndy óteý mindetteldi. Sot úkimi áli zańdy kúshine engen joq, — delingen Astana qalasynyń qylmystyq ister jónindegi aýdanaralyq sotynyń habarlamasynda.

Buǵan deıin Temirtaýda jedel járdem feldsheri soqqyǵa jyǵylǵany anyqtaldy.